ცნობილია საქართველოს ნაკრების შემადგენლობა ჩეხეთთან მატჩისთვის
საქართველოს ეროვნული ნაკრები ევროპის ჩემპიონატის ჯგუფური ეტაპის მეორე შეხვედრას ჩეხეთთან გამართავს. რამდენიმე წამის წინ, ცნობილი გახდა სასტარტო შემადგენლობა, რომლითაც ვილი სანიოლის გუნდი მატჩს დაიწყებს:
გიორგი მამარდაშვილი, გურამ კაშია, ლაშა დვალი, საბა კვერკველია, ოთარ კაკაბაძე, გიორგი წიტაიშვილი, ზურიკო დავითაშვილი, გიორგი ქოჩორაშვილი, ანზორ მექვაბიშვილი, ხვიჩა კვარაცხელია, გიორგი მიქაუტაძე.
შეგახსენებთ, რომ ჩეხეთისა და საქართველოს ნაკრებების მატჩი დღეს გაიმართება და თბილისის დროით, 17:00-ზე დაიწყება. თუ ჩეხეთთან წავაგეთ, ხოლო პორტუგალია თურქეთთან არ დამარცხდა, პლეიოფში გასვლის შანსს დავკარგავთ.
