20 წლის მანზამბის ბენეფისი - შვეიცარიამ ბოსნია დაამარცხა
მსოფლიო ჩემპიონატზე მეორე ტურის შეხვედრები დაიწყო. B ჯგუფში შვეიცარიამ ბოსნიას 4:1 მოუგო და გალიდერდა.
ევროპული დაპირისპირება მძიმედ დაიწყო და პირველი ტაიმი 0:0 დასრულდა. რეალური საგოლე მომენტებიც არ გვინახავს.
მეორე ტაიმის სტარტზეც ბევრი არაფერი ხდებოდა, თუმცა მურატ იაკინმა 71-ე წუთზე ვარგასი და მანზამბი შეუშვა, რომლებმაც გოლს + საგოლე გადაცემა გაიფორმეს და მატჩის მსვლელობა მთლიანად შემოაბრუნეს.
20 წლის მანზამბიმ საერთოდაც დუბლი გაიფორმა. მე-80 წუთისთვის ბოსნია მოედანზე კაცნაკლული დარჩა, თუმცა გუნდმა პრესტიჟის გოლის გატანა მაინც შეძლო - 93-ე წუთზე მაჰმიჩმა გაიტანა.
შეხვედრას წერტილი გრანიტ ჯაკამ დაუსვა, რომელმაც 97-ე წუთზე პენალტი ზუსტად შეასრულა.
ამაღამვე კანადა ერაყს დაუპირისპირდება. ბოლო ტურის შეხვედრები კი 24 ივნისს გაიმართება.
