„დღევანდელი დღე აბსურდი იყო“ - ჩავი არჩათვლილ გოლზე
ესპანეთის ლა ლიგის 32-ე ტურში მადრიდის „რეალმა“ საკუთარ მოედანზე „ბარსელონას“ უმასპინძლა და 3:2 დაამარცხა.
შეხვედრის 27-ე წუთზე, როდესაც ანგარიში 1:1 იყო, შეხვედრის მთავარმა მსაჯმა „რეალის“ კარში იამალის საკამათო გოლი გააუქმა. მატჩის დასრულების შემდეგ „ბარსელონას“ მთავარმა მწვრთნელმა, ჩავი ერნანდესმა მსაჯი გააკრიტიკა და განაცხადა, რომ გოლის ეპიზოდში ბურთმა კარის ხაზი გადაკვეთა.
რა თქვა ჩავიმ:
ძალიან იმედგაცრუებული ვარ. თუ გვინდა, რომ ჩვენს ლიგას საუკეთესო ეწოდოს, ასეთი რაღაცები არ უნდა ხდებოდეს... ყველამ დაინახა, რომ ბურთმა კარის ხაზი გადაკვეთა.
ყველაფერი ჩვენს წინააღმდეგ წავიდა. სეზონის დასაწყისში, „ხეტაფესთან“ თამაშის შემდეგ ყველა გავაფრთხილე, რომ არ მომეწონა ის, რაც ვნახე. დღევანდელი დღე კი სუფთა აბსურდი იყო.
Movistar muestra ángulos del gol fantasma de Lamine Yamal.
— Helena ???????? (@HdeHelena_RM) April 21, 2024
Juanma Castaño, en una toma donde no se ve el balón: "Yo aquí la veo dentro".
Le ponen una repetición donde sí se ve: "Aquí seguramente no está parado en el momento exacto".
Vergüenza ajena.pic.twitter.com/b4WK8Yl4Uy
შეგახსენებთ, რომ „ბარსელონას“ კარში გამარჯვების გოლი ჯუდ ბელინგემმა შეხვედრის მიწურულს, მსაჯის მიერ დამატებულ პირველ წუთზე გაიტანა. ამ გამარჯვებით, „რეალმა“ „ბარესლონასთან“ სატურნირო ცხრილში სხვაობა 11-ქულამდე გაზარდა და საჩემპიონო რბოლაც თითქმის მოიგო.
