შენგელიას 13 ქულა - ვირტუსმა პლეი-ინის მატჩში ეფესს მოუგო
ევროლიგის ფლეი-ინის შეხვედრაში „ვირტუს ბოლონია“ „ეფესს“ ესტუმრა და უმძიმეს ბრძოლაში 67:64 დაამარცხა.
როგორც ყოველთვის, თორნიკე შენგელია ძირითად შემადგენლობაში მოგვევლინა და ნაყოფიერი მატჩი ჩაატარა.
ქართველმა კალათბურთელმა პარკეტზე 22 წუთი დაყო. ამ პერიოდის განმავლობაში მან 13 ქულა, 4 მოხსნა და 3 შედეგიანი გადაცემა მიითვალა.
მატჩის მიმდინარეობისას, საქართველოს ნაკრების კაპიტანმა 12-ჯერ სცადა 2-ქულიანის სროლა და ზუსტი მხოლოდ 4 აღმოჩნდა. თორნიკემ ორი სამ ქულიანი ისროლა და 1 ჩააგდო. შენგელიამ 2 საჯარიმო ტყორცნიდან ზუსტად 1 შეასრულა.
ამ მატჩის შემდეგ, იტალიური კლუბი ფლეი-ინის შემდეგ ეტაპზე გავიდა და „ბასკონიას“ დაუპირისპირდება. დაპირისპირება ესპანეთში გაიმარჯვება, გამარჯვებული კი პლეი-ოფში 8 საუკეთესო გუნდს შორის მოხვდება.
