ბელინგემის დისკვალიფიკაცია ძალაშია - უარი რეალს აპელაციაზე
ჯუდ ბელინგემის 2-მატჩიანი დისკვალიფიკაცია ესპანეთის ფეხბურთის ფედერაციის სადისციპლინო კომიტეტმა ძალაში დატოვა. მადრიდის „რეალმა” „ვალენსიასთან” მატჩში ინგლისელი ნახევარმცველის მიერ მიღებული წითელი ბარათი გაასაჩივრა, თუმცა ამან სათანადო შედეგი ვერ გამოიღო და „სამეფო კლუბის“ 5 ნომერი „სელტასთან” და „ოსასუნასთან” თანაგუნდელებს ვერ დაეხმარება.
„მესტალიაზე” გამართული შეხვედრის კომპენსირებულ დროში ბელინგემმა თავური დარტყმით ბოლო წუთზე გოლი გაიტანა, რომელიც ხესუს ხილ მანსანომ სრულიად უსამართლოდ გააუქმა. „სამეფო კლუბისა“ და მთლიანად ლა ლიგის საუკეთესო ბომბარდირმა გადაწყვეტილება ემოციურად გააპროტესტა და არბიტრს სიტყვიერი შეურაცხყოფა მიაყენა, რის გამოც გააძევეს.
BREAKING: Real Madrid's Jude Bellingham has been given a two-game La Liga ban after his red card for dissent in their 2-2 draw with Valencia ⚪???? pic.twitter.com/VSiVVv1qmp
— Sky Sports News (@SkySportsNews) March 6, 2024
მიმდინარე სეზონში ყველა ტურნირზე გამართულ 31 შეხვედრაში 20 წლის ბელინგემმა 20 გოლი გაიტანა და 9 საგოლე პასი შეასრულა. გასულ ზაფხულს „რეალმა” ის „დორტმუნდიდან” 103 მილიონ ევროდ შეიძინა, ამჟამად კი მისი სატრანსფერო ღირებულება 180 მილიონს შეადგენს.
