ხედირა: „იუვენტუსთან“ ერთად ყველა შესაძლო ტიტულის მოგება მსურს
სამი ხედირამ, როგორც ტურინის „იუვენტუსის“ ფეხბურთელმა პირველად მისცა ინტერვიუ. გერმანელმა ნახევარმცველმა სამედიცინო შემოწმება გაიარა და უკვე შეხვდა თანაგუნდელებს, სამწვრთნელო შტაბს და კლუბის ხელმძღვანელობას. ხედირას თქმით, ის ბედნიერია მის კარიერაში მომხდარი ასეთი ცვლილებით.
„ბედნიერი და კმაყოფილი ვარ აქ გადმოსვლით და მსურს რაც შეიძლება მალე შევეწყო „იუვენტუს“. დიდი ისტორიის და ტრადიციების მქონე კლუბში გადმოვედი და ეს ჩემთვის დიდი პატივია. „იუვენტუსი“ - ნამდვილი ოჯახია. ბედნიერი ვარ, რომ ამ ოჯახის წევრი გავხდი. ვიმედოვნებ, კლუბთან ერთად ყველ შესაძლო ტიტულს მოვიგებ“ - განაცხადა სემი ხედირამ.
