“სიმშვიდის დაბრუნება სჭირდება“ - იტალიური მედია ხვიჩაზე

ჩემპიონთა ლიგის ჯგუფური ეტაპის ბოლო ტურში „ნაპოლიმ“ „ბრაგას“ უმასპინძლა და 2:0 დაამარცხა. ხვიჩა კვარაცხელიას მეორე ტაიმში გოლის გატანის კარგი შანსი ჰქონდა, თუმცა პორტუგალიელთა კარის დარაჯმა აჯობა.

მატჩის დასრულების შემდეგ, იტალიურმა მედიამ ქართველი ფეხბურთელის თამაში შეაფასა.

Calcionapoli1926:

„ბოლოდროინდელი მატჩების გამოსწორებას ცდილობს და რა თქმა უნდა, დღეს უკეთესი იყო. მიუხედავად ამისა, ჩვეულებრივი „კვარა“ დღეს მაინც არ იყო. გოლის გატანა შეეძლო, მაგრამ მეკარემ მისი დარტყმა მოიგერია.“

Tuttomercatoweb:

„მისმა თამაშმა სიმშვიდე დაკარგა. აქედან გამომდინარე, ყოველთვის უფრო მეტად ცდილობს დრიბლინგს და ხშირად ზედმეტ შეხებას აკეთებს.“

TuttoNapoli:

„პირველი მეტოქის მოტყუება მისთვის არასდროს არის პრობლემა, მაგრამ ხანდახან ზედმეტ დრიბლინგს მიმართავს. მცველთან ერთი ერთზე პრობლემა არასდროს ექნება. მას მხოლოდ სიმშვიდის დაბრუნება სჭირდება.“

ხვიჩას ყველა მომენტი „ბრაგასთან“