მოთამაშეებმა სტანდარტი უნდა აიმაღლონ - საკოლონი მესისთან შეხვედრას გეგმავს
როგორც მოგეხსენებათ, ლიონელ სკალონი არგენტინის ნაკრების დატოვებაზე ფიქრობს. ამის მიზეზად „ალბისელესტეს“ გარშემო არსებული გვერდითი მოვლენები გახლავთ.
მაგალითისთვის შეგვიძლია ბრაზილიასთან მატჩი მოვიყვანოთ. სტადიონზე გულშემატკივრებსა და სამართალდამცავებს შორის ფიზიკური დაპირისპირება მოხდა. გარდა ამისა, ახალგაზრდა სპეციალისტი საკუთარი ფეხბურთელებითაც უკმაყოფილოა.
ცნობილი ჟურნალისტი ესტებან ედული იუწყება, რომ სკალონი რამდენიმე დღეში მესის შეხვდება და როგორც კაპიტანს რამდენიმე საკითხის მოგვარებას დაავალებს. მას სურს, რომ რამდენიმე მოთამაშემ საკუთარი სტანდარტი აიმაღლოს.
Scaloni se juntará con Messi. El dt cree que hay que cambiar algunas cosas y nombres en el plantel para seguir compitiendo con la vara alta. Su falta de energías es porque las decisiones no son fáciles ni en lo futbolístico ni en lo afectivo. pic.twitter.com/Zb0tFbQn8s
— Esteban Edul (@estebanedul) December 9, 2023
ასევე ცნობილია, რომ სკალონის არც ლიონელ ემსის საქციელი მოეწონა. ყველაფერი მაშინ დაიწყო, როდესაც ბრაზილიასთან შეხვედრის დროს, მესიმ თანაგუნდელები მოედნიდან გასახდელში გაიყვანა. როგორც აღმოჩნდა, 8 ოქროს ბურთის მფლობელმა ეს გადაწყვეტილება მთავარ მწვრთნელთან კონსულტაციის გარეშე მიიღო, რამაც სკალონი აღაშფოთა.
ბრაზილიასთან თამაშის შემდეგ სკალონიმ განაცხადა:
„არგენტინას“ სჭირდება მწვრთნელი, რომელიც ენერგიით სავსეა. მე ცოტა ხნით უნდა გავჩერდე და ბევრ რამეზე ვიფიქრო.“
GOAL-ის ინფორმაციით, ახალგაზრდა სპეციალისტი „ალბისელესტეს“ 2024 წლის კოპა ამერიკაზე გაუძღვება და ვარაუდობს, რომ პოსტს სწორედ ტურნირის დასრულების შემდეგ დატოვებს.
