მონსტრმა მსოფლიოსთვის მზადება დაიწყო | ამერიკამ პუერტო რიკო გაანადგურა
ამერიკის შეერთებული შტატების საკალათბურთო ნაკრებმა მსოფლიო ჩემპიონატისთვის მზადება დაიწყო. სტივ კერის ბიჭებმა ამხანაგური შეხვედრა გამართეს და პუერტო რიკოს დაუპირისპირდნენ, რომელსაც შანსი არ დაუტოვეს და 117:74 იმარჯვეს.
კერმა სათამაშო დრო თანაბრად გადაანაწილა და აშშ-ს რიგებში, 10-ქულიანი ნიშნული შვიდმა კალათბურთელმა გადალახა. ყველაზე მეტი, 15-15 ქულა ენტონი ედვარდსმა და კემ ჯონსონმა ჩააგდეს. ჯეილენ ბრანსონმა ორმაგი დუბლი გაიფორმა - 11 ქულა, 12 მოხსნა, 3 შედეგიანი გადაცემა. მიკალ ბრიჯისს 14 ქულა ჰქონდა, ხოლო ტაირიზ ჰალიბერტონმა 7 ქულა და 12 შედეგიანი გადაცემა მიითვალა.
Team USA DOMINATES Puerto Rico in their first exhibition game ????
— ClutchPoints (@ClutchPoints) August 8, 2023
Anthony Edwards
15 points, 4 assists, 4 steals, 7-of-13 FG
Cam Johnson
15 points, 6 rebounds, 7-of-10 FG
Mikal Bridges
14 points, 5 rebounds, 3 steals, 6-of-9 FG
Jaren Jackson Jr.
12 points, 7 rebounds, 2 blocks pic.twitter.com/V7A1inb1nb
მსოფლიო ჩემპიონატის დაწყებამდე, აშშ კიდევ 4 ამხანაგურ შეხვედრას გამართავს. 12 აგვისტოს სტივ კერის ბიჭები სლოვენიას დაუპირისპირდებიან, 13-ში ესპანეთს გაეჯიბრებიან, 18-ში საბერძნეთს შეხვდებიან, ხოლო 20-ში მათი მეტოქე გერმანია იქნება.
ცნობისთვის, აშშ-ს ნაკრები მსოფლიო ჩემპიონატზე C ჯგუფში იმყოფება. მისი მოწინააღმდეგეები საბერძნეთი, იორდანია და ახალი ზელანდია არიან. ამერიკა პირველ შეხვედრას 26 აგვისტოს, ახალი ზელანდიის წინააღმდეგ გამართავს.
კომენტარები
იყავით პირველი, ვინც დაწერს კომენტარს