თითქმის 5-საათიან თრილერში! - კარლოს ალკარასი უიმბლდონის გამარჯვებულია
უიმბლდონის ფინალში მსოფლიოს პირველი ჩოგანი კარლოს ალკარასი ყველა დროის ერთ-ერთ საუკეთესო ჩოგბურთელს, ნოვაკ ჯოკოვიჩს შეხვდა და თითქმის 5-საათიან თრილერში 5 სეტში გაიმარჯვა - 1:6, 7:6 (8:6), 6:1, 3:6, 6:4.
შეხვედრა საერთო ჯამში 4 საათსა და 42 წუთს გაგრძელდა. ალკარასმა მატჩის განმავლობაში 9 ეისი შეასრულა, 19-დან 5 ბრეიკ-პოინტი მოაქცია და შვიდი ორმაგი შეცდომა დაუშვა.
The Spanish sensation has done it ????????@carlosalcaraz triumphs over Novak Djokovic, 1-6, 7-6(6), 6-1, 3-6, 6-4 in an all-time classic#Wimbledon pic.twitter.com/sPGLXr2k99
— Wimbledon (@Wimbledon) July 16, 2023
შეხვედრაში, ერთ-ერთი დასამახსოვრებელი ეპიზოდი მე-5 სეტის მიმდინარეობისას იყო, როდესაც ესპანელის სასარგებლოდ ანგარიში 3:1 გახდა. ჯოკოვიჩი თავისმა შეცდომამ ისე გააღიზიანა, რომ ჩოგანი დაამტვრია.
Djokovic losing his sh*t, and I’m not surprised - Alcaraz is seizing his crown. Incredible match. pic.twitter.com/wqoIKjnMf4
— Piers Morgan (@piersmorgan) July 16, 2023
ესპანელმა ჩოგბურთელმა კარიერაში მეორედ მოახერხა დიდი სლემის ტიტულის მოგება, პირველად კი ეს გასულ წელს, აშშ-ის ღია პირველობაზე შეძლო.
საგულისხმოა, რომ ნოვაკ ჯოკოვიჩმა ზედიზედ 27-მატჩიანი დიდი სლემების მოგების სერია დაასრულა. ამასთან, პირველად მოხდა, როდესაც უიმბლდონზე ნოლემ პირველი სეტი მოიგო და შემდეგ დამარცხდა.
თავის მხრივ, ალკარასი გახდა პირველი ჩოგბურთელი, რომელმაც 2018 წლის შემდეგ ჯოკოვიჩი ბალახზე დაამარცხა. ნოლეს ბალახზე 34-მატჩიანი მოგების სერია ჰქონდა. ამასთან, 2023 წლის სემდეგ ჯოკოვიჩი უიმბლდონის კორტზე პირველად დამარცხდა.
