რონალდუს გუნდს პრობლემები აქვს | ალ-ნასრი ახალ ფეხბურთელებს ვერ დაარეგისტრირებს
ფიფამ კრიშტიანუ რონალდუს „ალ-ნასრი“ სატრანსფერო დისკვალიფიკაციით დასაჯა. ამ ინფორმაციას CBS-ის ჟურნალისტი, ბენ ჯეიკობსი ავრცელებს და აცხადებს, რომ მსოფლიო ფეხბურთის მმართველი ორგანოს გადაწყვეტილება აჰმედ მუსას ტრანსფერს უკავშირდება.
ჯეიკობსის ცნობით, ფიფამ „ალ-ნასრის“ ახალი ფეხბურთელების დარეგისტრირება აუკრძალა, რადგან „ლესტერს“ ბონუსი არ გადაუხადა. საუდის არაბეთის წარმომადგენელს „ლესტერისთვის“ 460 000 ევრო უნდა გადაეხადა, მას შემდეგ, რაც 2018-20 წლებში, მუსამ ხელშეკრულებაში გაწერილი პუნქტი შეასრულა, მაგრამ „ალ-ნასრის“ ეს არ გაუკეთებია.
Al-Nassr have been banned by FIFA from registering new players for failing to pay add-ons owed to Leicester as part of the Ahmed Musa deal. Between 2018-20 Musa triggered £390k (€460k) in performance-related add-ons, which are yet to be paid despite CAS ruling in #LCFC's favour. pic.twitter.com/IlR1T2kuuE
— Ben Jacobs (@JacobsBen) July 12, 2023
როგორც ირკვევა, სპორტის საარბიტრაჟო სასამართლომ ამ საკითხზე გადაწყვეტილება „მელიების“ სასარგებლოდ მიიღო, მაგრამ „ალ-ნასრის“ ინგლისური კლუბისთვის თანხა მაინც არ გადაუხდია. ჯეიკობსის ცნობით, ფიფამ რადიკალური ზომები სწორედ ამიტომ მიიღო.
როგორც ირკვევა, სატრანსფერო დისკვალიფიკაცია დიდხანს არ გაგრძელდება. „ალ-ნასრი“, უახლოეს კვირებში, 460 000 ევროს გადაიხდის და ახალი ფეხბურთელების დარეგისტრირების უფლებას მიიღებს. ამასთან, კლუბი დანერგავს ახალ სისტემას, რომელიც მსგავს ინციდენტებს თავიდან აირიდებს.
