შენგელიას 8 ქულა - ვირტუსმა ტორტონას მეორე მატჩიც მოუგო
იტალიის საკალათბურთო ჩემპიონატის პლეი-ოფში „ვირტუს ბოლონიამ“ „ტორტონას“ უმასპინძლა და მარტივად 108:78 დაამარცხა.
ამ გამარჯვებაში თავისი წვლილი თორნიკე შენგელიამაც შეიტანა. საქართველოს ნაკრების კაპიტანი ძირითად შემადგენლობაში მოგვევლინა, რომელმაც პარკეტზე 18 წუთი დაყო.
ამ პერიოდის განმავლობაში, შენგელიამ 8 ქულას, 6 მოხსნას და 3 შედეგიან გადაცემას მოუყარა თავი. აღსანიშნავია, რომ თორნიკემ 6 მოხსნიდან ექვსივე საკუთარ ფარზე შეასრულა. ასევე, ქართველმა კალათბურთელმა მატჩში 2 პერსონალური ფოლი მიიღო.
ცნობისთვის, ეს ამ გუნდების მეორე დაპირისპირება იყო და „ვირტუს ბოლონია“ 2:0-ს იგებს. „ვირტუს ბოლონიას“ და „ტორტონას“ მომავალი მატჩი 2 ივნისით თარიღდება და თბილისის დროით 23:00-დან დაიწყება.
VITTORIA ⚪️⚫️
— Virtus Segafredo Bologna (@VirtusSegafredo) May 30, 2023
Una Virtus concreta in attacco porta a casa anche Gara2 scavando il solco decisivo in avvio di secondo tempo ????????????
???? Mickey 20, Abass 15, Ojeleye 15, Hackett 12, Jaiteh 11, Cordinier 11 #AmoreInfinito #LBA #TuttoUnAltroSport pic.twitter.com/WIM6xmRt66
