გუარდიოლა: ხალხი ამბობს, რომ ლიგის მოგების გარეშე საქმე დასრულებული არ გვექნება

პეპ გუარდიოლა პრემიერ ლიგას ჩემპიონთა ლიგაზე ნაკლებ მნიშვნელოვნად არ მიიჩნევს.

„ხალხი საუბრობს ჩემპიონთა ლიგაზე. ეს ნორმალურია, მესმის, რომ კლუბს ეს თასი არ აქვს. და ხალხი ამბობს, რომ მის გარეშე ჩვენი საქმე არ იქნება დასრულებული. არა უშავს, მე ამას ვიღებ. არავის გადარწმუნებას არ ვაპირებ.

მაგრამ პრემიერ ლიგა არის პრემიერ ლიგა. ყოველ ჯერზე, როცა მას ვიმარჯვებთ, ეს გრძნობა გვეუფლება - ფუჰ! ამ გამარჯვებების მიღმა მძიმე შრომა დგას, ბედი მსაჯის ერთი გადაწყვეტილებით და ერთი პენალტით არ განისაზღვრება, სტაბილურობა ყოველ დღე გჭირდება.

პრემიერ ლიგა შესანიშნავია. როდესაც ფინალურ ეტაპებზე შანსი კვლავ გვექნება, რომ მის მოსაგებად ისევ ვიბრძოლოთ, ჩვენ ამის გაკეთებას უნდა ვეცადოთ“,

- განაცხადა „მანჩესტერ სიტის“ მთავარმა მწვრთნელმა.

შეგახსენებთ, რომ გუარდიოლას „სიტის“ წელს ტრიპლეტის შესრულების შანსი აქვს. „ქალაქელები“ პრემიერ ლიგას პოტენციურად ლიდერობენ. მათ „არსენალზე“ 2 მატჩით ნაკლები აქვთ ჩატარებული, სხვაობა კი მხოლოდ 3 ქულაა. გარდა ამისა, გუნდი ჩემპიონთა ლიგის ნახევარფინალშია და FA Cup-ის ფინალში „მანჩესტერ იუნაიტედთან“ მატჩი ელის.