ტყუილია! | ოსიმენის წარმომადგენლებმა უარყვეს ინფორმაცია თითქოს პსჟ-ს შეუთანხმდნენ
„ნაპოლის“ თავდამსხმელის, ვიქტორ ოსიმენის გადაბირებით ევროპული გრანდები სერიოზულად ინტერესდებიან. ნიგერიელი ფეხბურთელის საკუთარ რიგებში ხილვა „მანჩესტერ იუნაიტედს“, „ჩელსის“, „პარი სენ-ჟერმენსა“ და „ბაიერნს“ სურთ.
რამდენიმე დღის წინ, Foot Mercato-მ ვიქტორისთვის ბრძოლაში დაწინაურებული გუნდი დაასახელა და განაცხადა, რომ მისი აგენტები „პარი სენ-ჟერმენს“ შეუთანხმდნენ. ამ ინფორმაციას ოსიმენის წარმომადგენლები გამოეხმაურნენ და მას სიცრუე უწოდეს.
„ყალბი ინფორმაციაა! ჯერჯერობით ტრანსფერის განხილვა ძალიან ადრეა“, - განაცხადა ოსიმენის ბანაკის ერთ-ერთმა წევრმა. იტალიელი სატრანსფერო ექსპერტის, ფაბრიციო რომანოს ინფორმაციით, „ნაპოლის“ ოსიმენისთვის ჯერ ფასიც კი არ დაუდია და ტრანსფერზე საუბარი ძალიან ადრეა.
Victor Osimhen’s camp denies any deal agreed on personal terms with Bayern, PSG or any club: “Fake news. It’s early to discuss about a transfer”, told Mundo Deportivo. ⛔️???????? #transfers
— Fabrizio Romano (@FabrizioRomano) April 28, 2023
Napoli have not even fixed a price tag for Osimhen yet. pic.twitter.com/jteBYB2Brx
შეგახსენებთ, რომ ვიქტორს ფენომენალური სეზონი აქვს და სერია A-ს მიმდინარე სეზონში გამართულ 25 შეხვედრაში, 21 გოლი და 5 შედეგიანი გადაცემა მიითვალა, ჩემპიონთა ლიგაზე კი 6 მატჩში 5 გოლი გაიტანა.
