გიორგი ჩაკვეტაძე, გურამ კაშია, ჯაბა კანკავა, სლოვანი
Aa
Aa

„მზად ვარ გადამწყვეტი მატჩებისთვის“ - კაშია და სლოვანი ტიტულებს უმიზნებენ

სლოვაკეთში ვლადიმირ ვაისის გაწვრთნილი ბრატისლავას „სლოვანი“ ორი ტიტულისთვის იბრძვის, ფორტუნა ლიგაში მეორე ადგილზეა, ლიდერ „დუნაისკა სტრედას“ 1 ქულით ჩამორჩება, თასის ფინალში „სპარტაკ ტრნავას“ შეხვდება. 

ფორტუნა ლიგის დასრულებამდე 4 ტურია დარჩენილი, „სლოვანს“ შანსი აქვს, რომ „დუნაისკა სტრედას“ გადაასწროს, „სლოვანის“ უახლოეს შეხვედრას „სპარტაკ ტრნავასთან“ გამართავს (28 აპრილი), შემდეგ ამავე გუნდს თასის ფინალში დაუპირისპირდება (1 მაისი), რასაც ფორტუნა ლიგაში უშუალო კონკურენტ „დუნაისკა სტრედასთან“ უმნიშვნელოვანესი მატჩი მოჰყვება (7 მაისი).

მატჩამდე გურამ კაშიამ კლუბის ოფიციალურ ვებგვერდთან ისაუბრა.

„ტირილისა და უკმაყოფილების გამოხატვის დრო არაა. სეზონის ბოლოა და ჩვენ ყველას გვაქვს გარკვეული ტკივილი, რადგან სეზონის დაწყებიდან მოყოლებული ბევრი რამ მოხდა. შესაძლოა, 50 მატჩი ჩავატარე. მე აღარ ვარ ახალგაზრდა (იღიმის), მაგრამ ჩვენი გუნდის სამედიცინო შტაბი გვეხმარება პრობლემების გადაჭრაში. თავს კარგად ვგრძნობ. მზად ვარ გადამწყვეტი მატჩებისთვის.

„სპარტაკ ტრნავას“ წინააღმდეგ მიმდინარე სეზონში ხუთი მატჩი ჩავატარეთ, ერთმანეთს კარგად ვიცნობთ. ვიცით, რომ დერბი პრესტიჟულია კლუბისთვის და ქომაგებისთვის. ჩვენ გამარჯვება გვსურს, რაც არასდროს იცვლება, ყოველთვის გამარჯვებას ვუმიზნებთ“.

35 წლის გურამ კაშიამ მიმდინარე სეზონში 35 მატჩი ჩაატარა, 4 გოლი შეაგდო, 2 საგოლე პასი შეასრულა. 37 წლის კანკავას ანგარიშზე 38 მატჩში 2 გოლი და 3 საგოლე გადაცემაა. რაც შეეხება 23 წლის გიორგი ჩაკვეტაძეს, 40 შეხვედრაში მხოლოდ 1 გოლი შეაგდო, საგოლე პასებისა და გამომუშავებული პენალტების ჯამი 8-ს შეადგენს.

შეგახსენებთ, მიმდინარე სეზონში ვლადიმირ ვაისის გუნდში გიორგი ჩაკვეტაძე, გურამ კაშია და ჯაბა კანკავა ასპარეზობენ. „სლოვანმა“ კონფერენს ლიგის ჯგუფურ ეტაპზე წარმატებით იასპარეზა, თუმცა შემდეგ „ბაზელთან“ დამარცხდა.

მსგავსი სიახლეები

ასევე დაგაინტერესებთ
„ბურთის კონტროლის არაორდინალური უნარი აქვთ“ - სოსა ხვიჩასა და ზელინსკიზე
„ბურთის კონტროლის არაორდინალური უნარი აქვთ“ - სოსა ხვიჩასა და ზელინსკიზე