„ვიცოდი, რომ ეს დღე ჩემი იყო“ - ევროპის ჩემპიონის პირველი კომენტარი

ზაგრებში მიმდინარე მოჭიდავეთა ევროპის ჩემპიონატზე თავისუფალ სტილით ფალავანმა გივი მაჭარაშვილმა ოქროს მედალი მოიპოვა.

97 კილოგრამ წონით კატეგორიის ფინალში გივიმ აზერბაიჯანელი მოქმედი ევროპის ჩემპიონი მაგომედხან მაგომედოვი ანგარიშით 4:3 დაამარცხა, აღსანიშნავია,რომ ქართველი ფალავანი 0:3 მარცხდებოდა.

ფინალამდე მაჭარაშვილმა სამ მეტოქეს მოლდოველ რადუ ლეფტერის, თურქ იბრაჰიმ ჩივტჩისა და უკრაინის სახელით მოასპარეზე მურაზ მჭედლიძეს აჯობა.

გივი მაჭარაშვილი - ევროპის ჩემპიონი

ამ მომენტისთვის საქართველოს ანგარიშზე 2 მედალია. გივი მაჭარაშვილის გარდა, გუშინ ზაგრებში ბრინჯაო ედემი ბოლქვაძემ დაისაკუთრა.

დღეს კი 20:00 საათიდან ფინალური ბლოკი განახლდება სადაც ოქროს მედლისთვის გენო პეტრიაშვილი თურქ ტაჰა აკგულის დაუპირისპირდება. ასევე ბრინჯაოს მედლებისთვის შოთა ფარტენაძე, ავთანდილ კენჭაძე და მირიან მაისურაძე იჭიდავებენ.