შენგელიას 18 ქულა და ორმაგი დუბლი - ვირტუსის დასანანი მარცხი
იტალიის საკალათბურთო ჩემპიონატის მორიგ ტურში, თორნიკე შენგელიას „ვირტუს ბოლონია“ სტუმრად „ტრიესტეს“ დაუპირისპირდა და დაძაბულ ბრძოლაში, 2 ქულის სხვაობით - 80:78 დამარცხდა.
თორნიკე შენგელია სასტარტო შემადგენლობაში იყო და საკუთარ გუნდს ულიდერა, თუმცა ქართველი კალათბურთელის თავდადების მიუხედავად, „ვირტუსმა“ გამარჯვება მაინც ვერ შეძლო.
შენგელიამ მოედანზე 32 წუთი გაატარა და ამ დროის განმავლობაში ორმაგი დუბლის შესრულება შეძლო. მის ანგარიშზე 18 ქულა, 10 მოხსნა, 4 შედეგიანი გადაცემა და 3 ჩაჭრა იყო. ამასთან, ბურთი ორჯერ დაკარგა და მეტოქის წინააღმდეგ ხუთჯერ დაჯარიმდა.
SCONFITTA ❌
— Virtus Segafredo Bologna (@VirtusSegafredo) April 2, 2023
Si ferma sul ferro il tiro della vittoria allo scadere e la Segafredo cade a Trieste
???? Shengelia 18, Mannion 17, Belinelli 11, Lundberg 10, Weems 10#AmoreInfinito #LBA #TuttoUnAltroSport pic.twitter.com/9nYG3386WB
მატჩის საუკეთესო მოთამაშე კი მასპინძელთა კალათბურთელი, ემანუელ ტერი გახდა, რომელმაც 19 ქულა, 14 მოხსნა და 2 ასისტი მიითვალა.
„ვირტუს ბოლონია“ მომდევნო შეხვედრას 6 აპრილს ევროლიგაზე, სტუმრად, „ვალენსიას“ წინააღმდეგ გამართავს.
