ვეტორიმ რეპერი დაანოკაუტა | სკანდალი იტალიელი მებრძოლის გარშემო
UFC-ის ქართველი მებრძოლის, რომან დოლიძის ბოლო მეტოქე, მარვინ ვეტორი სკანდალში გაეხვია. სოციალურ ქსელებში გავრცელდა ვიდეო, რომელზეც ჩანს, რომ იტალიელი მებრძოლი მამაკაცს ფიზიკურად უსწორდება.
ინციდენტი პარასკევს, DAZN-ის საკრივო ღონისძიებაზე მოხდა, რომლის მთავარი მოვლენაც WBC-ის სუპერ საშუალო წონითი მებრძოლების, ივან ძუკოსა და ჯერმეინ ბრაუნის დაპირისპირება გახლდათ. ღონისძიების მიმდინარეობისას, ვეტორის მეგობარ რეპერს, ტონი ეფეს რეპერ ილუნგასთან უთანხმოება მოუვიდა და მასობრივი ჩხუბი ამან განაპირობა.
ვიდეოში ჩანს, რომ მარვინი ილუნგას რამდენჯერმე ურტყამს და მისი დარტყმების გამო, რეპერი, რომელიც ამავდროულად, მოკრივე გახლავთ, იატაკზე ეცემა. საინტერესოა, რომ როგორც ტონი ეფე, ისე ილუნგა იტალიელები არიან და ჯერჯერობით უცნობია, მათი დაპირისპირება რამ გამოიწვია.
Last night during a DAZN Boxing event in Milan, Italy, Italian rapper Tony Effe started a brawl with Italian rapper and pro boxer Ion.
— Al Zullino (@phre) March 25, 2023
Tony's good friend and UFC middleweight Marvin Vettori stepped in and hammer punched Ion knocking him down.
Definitely not a good look for him. pic.twitter.com/CjuPb0DDx6
შეგახსენებთ, რომ დაახლოებით ერთი კვირის წინ, ვეტორი UFC-ის ოქტაგონზე ვიხილეთ და იტალიელი მებრძოლი რომან დოლიძეს დაუპირისპირდა. მარვინმა მსაჯების საკამათო გადაწყვეტილებით მოიგო და ბევრის აზრით, მას გამარჯვება არ ეკუთვნოდა.
