კონსტანტინ მარადიშვილი
Aa
Aa

მარადიშვილის მამამ ყველაფერი უარყო | დოკუმენტების გაფორმება არ მიმდინარეობს

დღეს, რუსულ პრესაში დაიწერა, რომ მოსკოვის „ლოკომოტივის“ 23 წლის ნახევარმცველი, კონსტანტინ მარადიშვილი მოქალაქეობის შეცვლასა და საქართველოს ნაკრებში თამაშს აპირებს. ეს ინფორმაცია RB Sport-მა გაავრცელა და განაცხადა, რომ მხარეებს შორის მოლაპარაკებები დასკვნით ფაზაში იყო.

რამდენიმე წუთის წინ, ამ საკითხს სტატია РИА Новости Спорт-მა მიუძღვნა და გვაუწყა, რომ მარადიშვილის გეგმებში საქართველოს მოქალაქეობის მიღება არ შედის. РИА Новости Спорт-ი ფეხბურთელის მამის სიტყვებს ავრცელებს. კობა მარადიშვილი ირწმუნება, რომ მისი შვილი მოქალაქეობის შეცვლისთვის საჭირო დოკუმენტების გაფორმების პროცესში არაა და სხვა ნაკრებში თამაშს არ განიხილავს.

ცნობისთვის, კონსტანტინე მარადიშვილი 2000 წლის 7 თებერვალს მოსკოვში დაიბადა და ადგილობრივი ცსკა-ს აღზრდილია. სხვადასხვა დროის განმავლობაში 23 წლის ფეხბურთელი რუსეთის 20-წლამდე ფეხბურთელთა ნაკრებისა და 21-წლამდე ნაკრების ღირსებას იცავდა, ეროვნულ გუნდი თამაშის შესაძლებლობა კი არ მისცემია.

მიმდინარე სეზონში მარადიშვილმა „ლოკომოტივის“ შემადგენლობაში 20 მატჩი ჩაატარა და 2 გოლი გაიტანა.

მსგავსი სიახლეები

ცხელი ამბები
ასევე დაგაინტერესებთ
„აზარამდე კიდევ ბევრი მიკლია“ - ხვიჩა აინტრახტთან მატჩის შემდეგ
„აზარამდე კიდევ ბევრი მიკლია“ - ხვიჩა აინტრახტთან მატჩის შემდეგ