კვარას რეკორდი - ეს აქამდე არავის გაუკეთებია
„ნაპოლის“ ქართველმა ფეხბურთელმა, ხვიჩა კვარაცხელიამ ისტორია დაწერა. ახლახან, „კვარამ“ EA Sports-ის თვის საუკეთესო ფეხბურთელის ჯილდო დაისაკუთრა (თებერვლის MVP გახდა) და როგორც სერია A-ს აღმასრულებელმა დირექტორმა, ლუიჯი დე სიერვომ განაცხადა, კვარაცხელია პირველი მოთამაშეა, რომელმაც ეს ერთ სეზონში ორჯერ გააკეთა (პირველად აგვისტოში მოიგო).
⚽ 3 goal
— Lega Serie A (@SerieA) March 10, 2023
???? 1 assist
Un altro mese da ricordare per l’@EASPORTSFIFA #POTM di Febbraio, Khvicha Kvaratskhelia ????#FIFA23 @EA_FIFA_Italia pic.twitter.com/WEN8plEnbr
„ქართველი გარემარბი თვიდან თვემდე ამტკიცებს, რომ ჩვენს ჩემპიონატზე შესანიშნავ გავლენას ახდენს. კვარაცხელია ამას გოლის გატანისა და თანაგუნდელების საგოლე პოზიციებში დატოვების უნარებით აკეთებს. ლუჩანო სპალეტის ფეხბურთელმა სერია A-ში უკვე 10 გოლი გაიტანა და საგოლე გადაცემებით ჩემპიონატის ლიდერია.
ხასიათი, შეუპოვრობა და წარმოსახვის უნარი კვარაცხელიას ნაპოლის საკვანძო ფეხბურთელად აქცევს. იმ ნაპოლის, რომელიც სერია A-ს სატურნირო ცხრილის ლიდერია და იტალიური და საერთაშორისო ფეხბურთის ახლანდელი და მომავალი ვარსკვლავი ჰყავს“.
შეგახსენებთ, რომ „ნაპოლი" მომდევნო შეხვედრას „ატალანტას" წინააღმდეგ გამართავს. მატჩი ხვალ, თბილისის დროით, 21:00-ზე დაიწყება.
