ფიბამ ნაკრებების რეიტინგი განაახლა - ესპანეთი ისევ პირველია
მსოფლიო ჩემპიონატის საკვალიფიკაციო ეტაპების დასრულების შემდეგ, ფიბამ ეროვნული ნაკრებების რეიტინგი განაახლა. პირველ ადგილზე კვლავინდებურად ესპანეთი იმყოფება, რომელსაც 758.3 ქულა აქვს. „ფურია როხას“ აშშ-ს ნაკრები მოჰყვება, რომლის ანგარიშზეც 757.2 ქულა გახლავთ, მესამე კი ავსტრალიაა - 740.2
???? Men's World Ranking Update ????
— FIBA (@FIBA) March 7, 2023
As #FIBAWC Qualifiers wrap up, Spain ???????? hold onto the first spot in the newest edition Men's World Ranking, presented by @Nike! ????
???? See the full rankings here: https://t.co/MUs3rlF90Y pic.twitter.com/CENVXVUGwe
საქართველოს ნაკრებს ცვლილებები არ შეხებია. მსოფლიო ჩემპიონატის საგზურის მოპოვების მიუხედავად, ილიას ზუროსის გუნდი ისევ 32-ე ადგილს იკავებს და 352.7 ქულა აქვს. ჩვენი ეროვნული გუნდი ევროპაში მე-18 პოზიციაზეა. აღსანიშნავია, რომ შეიცვალა ჩვენი უშუალო მდევარი, რომელიც ისრაელის ნაცვლად, იორდანია გახდა - 342.4 ქულა.
შეგახსენებთ, რომ 2023 წლის მსოფლიო ჩემპიონატის ჯგუფური ეტაპის წილისყრა 29 აპრილს გაიმართება და საქართველოს მეტოქეების ვინაობა გაირკვევა. ასევე, ცნობილი გახდება, ჩვენი ეროვნული ნაკრები რომელ ქვეყანაში იასპარეზებს. როგორც იცით, მუნდიალი ფილიპინებში, იაპონიასა და ინდონეზიაში ჩატარდება.
