მაინცის სტადიონთან მეორე მსოფლიო ომის დროინდელი ბომბი იპოვეს | განაღმვაზე მუშაობა დაწყებულია
„მაინცის“ სტადიონის, „მევა არენას“ მიმდებარე ტერიტორიაზე მეორე მსოფლიო ომის დროინდელი აქტიური ბომბი აღმოაჩინეს. გერმანული კლუბის საშინაო არენაზე რეკონსტრუქციული სამუშაოები მიმდინარეობდა, რამაც მოულოდნელად, ბომბის მდებარეობა გამოავლინა.
ქალაქის მერიის განცხადებით, ბომბის წონა დაახლოებით 500 კილოგრამს შეადგენს და ის ამერიკული საჰაერო ბომბია. მის განაღმვაზე მუშაობა დაწყებულია და წესითა და რიგით, ყველაფერი პარასკევს უნდა დასრულდეს. ბომბის განაღმვის პროცესი გავლენას 3500 ადამიანზე მოახდენს და ისინი ჩვეულებრივ ცხოვრებას მალე დაუბრუნდებიან.
An active bomb from World War II was found in the area around Mainz home stadium during renovations.
— CBS Sports Golazo ⚽️ (@CBSSportsGolazo) April 25, 2024
They are currently working to defuse the bomb ???? pic.twitter.com/ZZlHoTnAI0
პარასკევს, „მაინცის“ თავკაცს, ბო ჰენრიკსენს პრესკონფერენცია უნდა გაემართა, მაგრამ მომხდარის გამო, მისი გადადება გახდა საჭირო. ბუნდესლიგის ეგიდით, „მაინცს“ მომდევნო შეხვედრა საშინაო არენაზე, „კიოლნთან“ ელის და როგორც ირკვევა, ამ მატჩს გადადების საფრთხე არ ემუქრება.
ცნობისთვის, მეორე მსოფლიო ომის დროს ქალაქი მაინცი სერიოზულად დაზიანდა და ბრიტანულმა და ამერიკულმა საჰაერო ძალებმა დაახლოებით 30 საჰაერო რეიდი განახორციელეს.
