ინტერსიტის გაუტანა - ქოჩორაშვილის მორიგი გოლი კასტელონში

ესპანეთის რანგით მესამე ლიგაში „ინტერსიტიმ“ შინ „კასტელონი“ 3:1 დაამარცხა.

სტუმართა სასტარტოში გიორგი ქოჩორაშვილმა ითამაშა, რომელმაც 54-ე წუთზე ანგარიში გაათანაბრა, მიმდინარე სეზონში მესამე გოლი შეაგდო. აღსანიშნავია, რომ ბოლო სამ მატჩში მის ანგარიშზე 2 გოლია.

67-ე წუთზე ქოჩორაშვილი შეცვალეს. მასპინძლები 81-ე წუთზე დაწინაურდნენ, მე-4 დამატებულ წუთზე კი მესამე გოლი გაიტანეს და მატჩის საბოლოო ანგარიში დაფიქსირდა.

24 ტურის შემდეგ მესამე ლიგის მეორე ჯგუფს „ელდენსე“ 45 ქულით ლიდერობს, მეორე პოზიციას „კასტელონი“ იკავებს, რომელმაც 44 ქულა 25 ტურში დააგროვა.

23 წლის ქართველი ფეხბურთელი მიმდინარე სეზონის დასაწყისში „კასტელონში“ ერთწლიანი იჯარით გადავიდა, ესპანეთის რანგით მესამე ლიგაში 24 შეხვედრა ჩაატარა, 3 გოლი შეაგდო და 3 საგოლე პასი შეასრულა. ქოჩორაშვილს „ლევანტესთან“ მოქმედი კონტრაქტი 2023 წლის ზაფხულამდე აკავშირებს. სეზონის დასრულების შემდეგ თავისუფალი აგენტი ხდება.