გამოკითხვა: მაიკლ ჯორდანი ყველა დროის საუკეთესო სპორტსმენად დასახელდა

ამერიკულმა ანალიტიკურმა კომპანია Morning Consult-მა გულშემატკივრებში გამოკითხვა ჩაატარა და იკითხა, თუ ვის თვლიდნენ ისინი ყველა დროის საუკეთესო სპორტსმენად.

ისტორიაში უდიდესად ლეგენდარული კალათბურთელი მაიკლ ჯორდანი დასახელდა.

გამოკითხულთა შორის ყველაზე მეტი ხმა (19%) სწორედ „ემჯეიმ“ მიიღო. მეორე ადგილზე NFL-ის შვიდგზის ჩემპიონი ტომ ბრეიდი გავიდა (12%). მესამე ადგილი კი მუჰამედ ალიმ დაიკავა (8%).

რაც შეეხებათ ფეხბურთელებს, ათეულში მხოლოდ ორი მათგანი მოხვდა - მესი და პელე. ათეული ასე გამოიყურება:

მაიკლ ჯორდანი (კალათბურთი) - 19%

ტომ ბრეიდი (ამერიკული ფეხბურთი) - 12%

მუჰამედ ალი (კრივი) - 8%

ბეიბ რუთი (ბეისბოლი) - 7%

კობი ბრაიანტი (კალათბურთი) - 5%

ლებრონ ჯეიმსი (კალათბურთი) - 4%

ჯიმ ტორპი (მძლეოსნობა) - 4%

ლეო მესი (ფეხბურთი) - 3%

პელე (ფეხბურთი) - 3%

სერენა უილიამსი (ჩოგბურთი) - 3%