ცნობილია სტადიონი, რომელიც ესპანეთი-საქართველოს უმასპინძლებს
ევრო 2024-ის საკვალიფიკაციო ეტაპის ბოლო ტურში, საქართველოს ეროვნული ნაკრები სტუმრად ესპანეთს დაუპირისპირდება. მატჩი 19 ნოემბერს, თბილისის დროით, 23:45-ზე დაიწყება და ცნობილი გახდა სტადიონი, რომელიც „ფურია როხასა“ და „ჯვაროსნების“ ჯახს უმასპინძლებს.
რამდენიმე წუთის წინ, ოფიციალურად დადასტურდა, რომ ზემოთ ხსენებული შეხვედრა ხოსე სორილიას სახელობის სტადიონზე გაიმართება, სადაც საშინაო მატჩებს „ვალიადოლიდი“ ატარებს. ესპანეთის ფეხბურთის ფედერაციამ ეს გადაწყვეტილება კასტილიისა და ლეონის სამეფოს ფეხბურთის ფედერაციის 100 წლის იუბილის პატივსაცემად მიიღო.
???????? ¡????????????????????̃???? ????????????????????????́ ???????? ????????????????????????????????! ????️
— Real Valladolid C.F. (@realvalladolid) February 14, 2023
La @SEFutbol jugará un partido clasificatorio para la Eurocopa 2024 en el José Zorrilla el 19 de noviembre de 2023, ante Georgia.https://t.co/N7wczJSYkh
საინტერესოა, რომ ესპანეთის ნაკრებს ხოსე სორილიას სახელობის სტადიონზე 2006 წლის პირველი მარტის შემდეგ არ უთამაშია. მაშინ, „ფურია როხამ“ ამხანაგური მატჩი გამართა და ვილიას, რეიესისა და ხუანიტოს გოლების წყალობით, კოტ-დ'ივუარი 3:2 დაამარცხა.
შეგახსენებთ, რომ ესპანეთისა და საქართველოს ნაკრებების გარდა, A ჯგუფში ნორვეგია, შოტლანდია და კვიპროსი მოხვდნენ. „ჯვაროსნები“ გახსნით მატჩს 28 მარტს გამართავენ და ბათუმში ნორვეგიას დაუპირისპირდებიან.
