თორნიკე შენგელია
Aa
Aa

შეხვედრის MVP გახდა - თორნიკე შენგელიას მაგარი მატჩი ევროლიგაზე

„ვირტუს ბოლონიამ“ ევროლიგის ეგიდით, 2-მატჩიანი მოუგებელი სერია შეწყვიტა და საკუთარ კედლებში „პანათინაიკოსს“ სძლია. იტალიელებმა 74:64 იმარჯვეს და სერჯო სკარიოლის გუნდის წარმატებაში უდიდესი წვლილი თორნიკე შენგელიამ შეიტანა.

ქართველმა კალათბურთელმა შეხვედრა ძირითად შემადგენლობაში დაიწყო და პარკეტზე 28:24 წუთი გაატარა. შენგელია ორივე გუნდის რიგებში საუკეთესო იყო და აქტივში 16 ქულა, 2 მოხსნა (1 მეტოქის ფარზე), 7 შედეგიანი გადაცემა, 3 ჩაჭრა და 1 დაფარება ჩაიწერა. თოკომ 7-დან 4 ორქულიანი ჩააგდო, 2-დან 1 სამიანი გამოიყენა და 6-დან 5 საჯარიმო მიითვალა. შენგელიას სარგებლიანობის კოეფიციენტი 24 გახლდათ, რაც ორივე გუნდში საუკეთესო მაჩვენებელი იყო და იგი მატჩის MVP გახდა.

შეგახსენებთ, რომ „ვირტუს ბოლონიას“ 9 მოგება და 11 წაგება აქვს და ევროლიგაში მე-13 პოზიციას იკავებს. იტალიურ გრანდს მომდევნო შეხვედრა იტალიის ჩემპიონატში ელის და მისი მეტოქე „ბრინდისი“ იქნება. მატჩი 22 იანვარს გაიმართება.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    ოსიმენმა ხვიჩაზე ისაუბრა: „კვარა შესანიშნავი ფეხბურთელია“
    ოსიმენმა ხვიჩაზე ისაუბრა: „კვარა შესანიშნავი ფეხბურთელია“