სტუმრად შოტლანდიასთან! - ბორჯღალოსნებმა ტესტ-მატჩი დაგეგმეს
მიმდინარე წლის სექტემბერში, საქართველოს მორაგბეთა ეროვნული ნაკრები ისტორიაში მეექვსედ მსოფლიო თასზე მიიღებს მონაწილეობას.
ცოტა ხნის წინ ცნობილი გახდა, რომ მსოფლიო ჩემპიონატის დაწყებამდე, ბორჯღალოსნები 6 ერის ერთ-ერთ წამყვან გუნდს, შოტლანდიის ნაკრებს ტესტ-მატჩში დაუპირისპირდებიან. შეხვედრა 26 აგვისტოს, სტუმრად ედინბურგში გაიმართება.
View this post on Instagram
ცნობისთვის, საქართველოს ნაკრები 2022 წელს 6 ერის ორ გუნდს, იტალიისა და უელსის ნაკრებებს შეხვდნენ და ორივე შემთხვევაში გაიმარჯვეს. საქართველოს ისტორიაში ქართველ მორაგბეებს ტიერ 1-ის გუნდი დამარცხებული არ ჰყავდათ და ეს ბორჯღალოსნებმა გასულ წელს შეძლეს.
შეგახსენებთ, რომ 2023 წლის მსოფლიო თასზე საქართველოს მორაგბეთა ნაკრები C ჯგუფში იქნება, მეტოქეები კი უელსის, ავსტრალიის, ფიჯისა და პორტუგალიის ნაკრებები იქნებიან.
