შენგელიას 11 ქულა - ვირტუს ბოლონიამ ფენერბაჰჩე დაამარცხა
თორნიკე შენგელიას „ვირტუს ბოლონიამ“ ევროლიგის მიმდინარე გათამაშებაში მე-7 გამარჯვება იზეიმა. მე-16 ტურში, იტალიური გრანდი „ფენერბაჰჩეს“ დაუპირისპირდა და მეტოქეს 92:88 სძლია. მატჩში გადამწყვეტი ბოლო მეოთხედი გამოდგა, რომელიც „ვირტუს ბოლონიამ“ 7 ქულით მოიგო და სასურველი შედეგი დააფიქსირა.
VITTORIA ⚪️⚫️
— Virtus Segafredo Bologna (@VirtusSegafredo) December 30, 2022
Una Segafredo stoica porta a casa la vittoria contro il Fenerbahce con una grandissima prova di squadra ????
???? Belinelli 18, Jaiteh 14, Mannion 13, Weems 12, Shengelia 11, Mickey 11#AmoreInfinito #EveryGameMatters pic.twitter.com/pjz2vyOQo4
ქართველმა კალათბურთელმა მატჩი ძირითად შემადგენლობაში დაიწყო და პარკეტზე 22 წუთი და 31 წამი გაატარა. ამ დროში, თორნიკემ 11 ქულა, 1 მოხსნა და 3 შედეგიანი გადაცემა დააგროვა. შენგელიამ 10-დან 4 ორქულიანი ჩააგდო, 1 სამიანი გამოიყენა და 2 დაკარგვა ჰქონდა.
„ვირტუს ბოლონიას“ რიგებში ყველაზე მეტი, 18 ქულა მარკო ბელინელიმ გააკეთა. მამ ჟაიტემ 14 ქულა მიითვალა. ნიკოლო მანიონის ანგარიშზე 13 ქულა იყო, ხოლო კაილ უიმსმა და ჯორდან მიკიმ 12 და 11 ქულა დააგროვეს. „ფენერბაჰჩეს“ ჯონათან მოტლიმ ულიდერა - 26 ქულა. სკოტი უილბიკინსა და ნიკ კალატესს 12-12 ქულა ჰქონდათ.
ამრიგად, შენგელიას „ვირტუს ბოლონიას“ 7 მოგება და 9 წაგება აქვს. ქართველი კალათბურთელის გუნდი ევროლიგის სატურნირო ცხრილის მე-13 ადგილს იკავებს და მომდევნო შეხვედრა იტალიის ჩემპიონატის ეგიდით, „ოლიმპია მილანოს“ წინააღმდეგ ელის.