შერმადინის აღიარება | მეოთხედფინალების MVP და ისტორიული შედეგი
გიორგი შერმადინი საკალათბურთო ჩემპიონთა ლიგის მეოთხედფინალური ეტაპის MVP გახდა. ქართველი ცენტრის „ლაგუნა ტენერიფემ“ „გალათასარაი“ სერიაში 2:1 დაამარცხა და „შერმინატორმა“ საკუთარი გუნდის წარმატებაში უდიდესი წვლილი შეიტანა.
შერმადინმა პირველ შეხვედრაში 14 ქულა დააგროვა და „ლაგუნა ტენერიფე“ სერიაში დაწინაურდა. მეორე თამაშში გიომ 12 ქულა ჩააგდო, მაგრამ საკუთარი გუნდი წაგებას ვერ გადაარჩინა. გადამწყვეტ, მესამე მატჩში ქართველი კალათბურთელი ბრწყინვალე იყო და ჩემპიონთა ლიგის ისტორია დაწერა.
„ლაგუნა ტენერიფემ“ „გალათასარაი“ 99:59 გაანადგურა. შერმადინმა პარკეტზე 19 წუთი გაატარა და 20 ქულა და 14 მოხსნა დააგროვა. ის ჩემპიონთა ლიგის ისტორიაში პირველი კალათბურთელი გახდა, რომელმაც ერთ მატჩში მინიმუმ 20 ქულა და 10 მოხსნა 20 წუთზე ნაკლებ დროში გააკეთა.
Giorgi Shermadini has been named the MVP of the Quarter-Finals! ????#BasketballCL pic.twitter.com/teRBgry10J
— Basketball Champions League (@BasketballCL) April 17, 2026
„ლაგუნა ტენერიფემ“ მეტოქეზე 38-ით მეტი ქულა ჩააგდო, როდესაც შერმადინი პარკეტზე იყო და გიორგის ეფექტიანობის კოეფიციენტი 35 გახლდათ. ასე რომ, მისთვის MVP-ის ჯილდოს გადაცემა ლოგიკური იყო. შერმადინი და კომპანია ნახევარფინალში „რიტასს“ დაუპირისპირდებიან.
