მხრის ტრავმა - კარის 1 თვე გაუცდება
სტეფ კარიმ სერიოზული დაზიანება მიიღო და „გოლდენ სტეიტს“ რამდენიმე კვირიას განმავლობაში ვერ დაეხმარება. ინფორმაცია ცოტა ხნის წინ ESPN-მა გაავრცელა.
კარიმ დაზიანება „ინდიანასთან“ შეხვედრაში მიიღო, რომელიც „უორიორსმა“ 119:125 წააგო. სტეფმა ხსენებულ დაპირისპირებაში მხარი დაიზიანა.
ჯერჯერობით „გოლდენ სტეიტის“ მედშტაბი ვერ ამბობს, თუ რამდენი გაუცდება 34 წლის „ოქროს ბიჭუნას“, თუმცა ბოლო ინფორმაციით კარი ოპერაციას გადაურჩება და მაქსიმუმ 1 თვეს გამოტოვებს.
რაც შეეხება სტეფის მიმდინარე სეზონის საშუალო სტატისტიკას, მისი მონაგარი ერთ მატჩში 29.6 ქულას და 6.8 პასს უტოლდება.
სტივ კერის გუნდი ამჟამად 14 მოგებითა და 15 მარცხით დასავლეთ კონფერენციაში მე-10 ადგილზეა. „ოქროს შტატელები“ მომდევნო შეხვედრას 17 დეკემბერს „ფილადელფიასთან“ სტუმრად ჩაატარებენ.
