ყირგიზეთის ჩემპიონატში კვირკველია მატჩის საუკეთესო მოთამაშედ დასახელდა

ყირგიზეთის ჩემპიონატში აბდიშ-ათა შინ ტოქტოგულთან 0:1 დამარცხდა. მატჩის საუკეთესო ფეხბურთელად ტოქტოგულის ქართველი მცველი საბა კვირკველია დასახელდა.

ყირგიზეთის პრემიერლიგაში ქართველი ფეხბურთელის გუნდმა 5-დან 2 მატჩი მოიგო, 3 დათმო. 16-გუნდიან ჩემპიონატში 6 ქულით მე-8 ადგილზეა.

34 წლის გამოცდილი ქართველი ფეხბურთელი ყირგიზულ კლუბს გასულ ზამთარში შეუერთდა, მიმდინარე სეზონში ჩემპიონატის ხუთივე მატჩში 90 წუთი ითამაშა, მის აქტივში 2 გოლია, სადებიუტო მატჩში ილბირსთან დუბლი შეასრულა. ტოქტოგული ყირგიზეთის ჩემპიონატის უმაღლეს ლიგაში გასულ სეზონში აღზევდა და ფეხბურთელის დამატება, რომელსაც ჩემპიონთა ლიგასა და ევროპის ჩემპიონატზე უთამაშია, განსაკურებული მომენტია.