„ჩვენთან შეხვედრით არც პსჟ იქნება ბედნიერი“ - ნაგელსმანი კენჭისყრაზე

დღეს, შვეიცარიის ქალაქ ნიონში ჩემპიონთა ლიგის 1/8 ფინალური ეტაპის კენჭისყრა გაიმართა.

ერთ-ერთი წყვილი, რომელიც პლეი-ოფის პირველ ეტაპზე შეხვდება, პსჟ და მიუნხენის „ბაიერნი“ არიან.

კენჭისყრის დასრულების შემდეგ, „რეკორდმეისტერის“ მთავარმა მწვრთნელმა, იულიან ნაგელსმანმა მეტოქეზე მცირე კომენტარი გააკეთა.

რა თქვა ნაგელსმანმა:

ნამდვილად ძლიერი მეტოქეა. საგულისხმოა, რომ ჯგუფშიც ძლიერი მეტოქეები გვყავდა და ამ მხრივ ნამდვილად ვიყავით დაჯილდოებულნი. თუმცა, შემიძლია ვთქვა, რომ ჩვენთან შეხვედრით არც პსჟ იქნება ბედნიერი. კარგი თამაშები იქნება, მაგრამ ჯერ აქამდე ძალიან შორია. წინ მსოფლიო ჩემპიონატია.

შეგახსენებთ, რომ ჩემპიონთა ლიგის ჯგუფურ ეტაპე „ბაიერნს“ მეტოქეებად „ბარსელონა“, „ინტერი“ და „ვიქტორია პლზენი“ ჰყავდა, თუმცა ნაგელსმანის გუნდმა 6-დან ექვსივე შეხვედრის მოგება შეძლო.

რაც შეეხება პსჟ-ს და „ბაიერნის“ დაპირისპირებას, ამ გუნდებს შორის პირველი მატჩი 2023 წლის 15 თებერვალს პარიზში გაიმართება, საპასუხო მატჩი კი მიუნხენში 8 მარტს შედგება.