ჩემპიონთა ლიგის 1/8 ფინალი: ვინ არიან ნაპოლის პოტენციური მეტოქეები
ჩემპიონთა ლიგის ჯგუფური ეტაპი გუშინ ოფიციალურად დასრულდა და 1/8 ფინალური ეტაპის ყველა გუნდი გაირკვა. ევროპის ყველაზე პრესტიჟული საკლუბო ტურნირის პლეი-ოფში მილანი, ჩელსი, რეალი, ლაიპციგი, ბაიერნი, ინტერი, აინტრახტი, ტოტენჰემი, ბრიუგე, პორტუ, ნაპოლი, ლივერპული, მანჩესტერ სიტი, დორტმუნდი, პსჟ და ბენფიკა იასპარეზებენ.
ბუნებრივია, ქართველ გულშემატკივარს ყველაზე მეტად „ნაპოლის“ საკითხი და პოტენციური მეტოქეები აინტერესებს. როგორც ცნობილია, ხვიჩა კვარაცხელიას გუნდი A ჯგუფში პირველ ადგილზე გავიდა, რაც მცირე უპირატესობად ითვლება, 1/8 ფინალში კი სავარაუდო მეტოქეები კი ბრიუგე, აინტრახტი, ლაიპციგი, დორტმუნდი და პსჟ იქნებიან, რომლებიც თავის ქვე-ჯგუფებში მეორე ადგილებზე გავიდნენ.
ამ გუნდების გარდა, ჯგუფებში მეორე პოზიცია დაიკავეს ინტერმა, მილანმა და ლივერპულმაც, თუმცა მერვედფინალის წესით თანახმად, „ნაპოლის“ პლეი-ოფის პირველ ეტაპზე იტალიური გუნდები არ შეხვდებიან, ლივერპული კი როგორც ცნობილია სპალეტის გუნდის ჯგუფში იყო.
1/8 ფინალური ეტაპის წილისყრა 7 ნოემბერს, საქართველოს დროით 15:00 საათზე შვეიცარიის ქალაქ ნიონში მდებარე უეფას შტაბ-ბინაში გაიმართება.
