შენგელიას 20 ქულა და მძიმე ტრავმა - საქართველომ ნიდერლანდები დაამარცხა
საკალათბურთო მსოფლიო ჩემპიონატის საკვალიფიკაციო ეტაპის მორიგ ტურში საქართველოს ეროვნულმა ნაკრებმა ნიდერლანდებს უმასპინძლა და მძიმე ბრძოლაში 77:66 დაამარცხა.
აღსანიშნავია, რომ პირველი ტაიმი თანაბარ ბრძოლაში მიმდინარეობდა და ორივე გუნდი მოწოდების სიმაღლეზე იყო. პირველი მეოთხედი 18:18 დასრულდა. სიტუაცია არც მეორე მეოთხედში შეიცვალა და 17:17 დასრულდა. ტაიმი კი ლოგიკურად 35:35.
მესამე მეოთხედში ზუროსის შეგირდებმა 7:0 გაქცევა გააკეთეს და რეალურად ეს მომენტი მატჩში გარდამტეხი იყო. საქართველოს ნაკრებმა ბრწყინვალედ იასპარეზა და მეოთხედი 21:9 დაასრულა. სამწუხაროდ, ერთი არასასიამოვნო ფაქტი დაფიქსირდა. თორნიკე შენგელიამ ერთ-ერთ ეპიზოდში მძიმე ტრავმა მიიღო. როგორც კადრებიდან გამოჩნდა საქართველოს კაპიტანს მხარი ამოუვარდა და მას პარკეტის დატოვება მოუწია.
უკანასკნელი მეოთხედი ნიდერლანდელებმა ძალიან აქტიურად დაიწყეს და იყო მომენტი, როდესაც ანგარიში გათანაბრდა, მაგრამ მამუკელაშვილის და მაკფადენის საოცარი თამაშის შედეგად საქართველო ისევ წინ გაიჭრა. საბოლოო ჯამში ზუროსის გაწვრთნილმა ნაკრებმა მნიშვნელოვანი გამარჯვება მოიპოვა. 77:66
ბითაძის ეფექტური პასი
???? @GogaBiitadze to ???? @Mamukelashvili5 is what the fans in Tbilisi love to see ????#FIBAWC x #WinForGeorgia
— FIBA Basketball World Cup (@FIBAWC) August 24, 2022
???? https://t.co/4Q4fptW8Tc pic.twitter.com/19baMCMIrZ
საქართველოს მხრიდან ყველაზე შედეგიანი თორნიკე შენგელია იყო, რომელმაც არასრულ 22 წუთში 20 ქულა და 4 მოხსნა დააგროვა.
მამუკელაშვილი - 10 ქულა, 9 მოხსნა
ბითაძე - 8 ქულა, 7 მოხსნა, 2 პასი
შერმადინი - 13 ქულა, 5 მოხსნა, 1 პასი
მაკფადენი - 19 ქულა, 2 მოხსნა, 5 პასი