რომანომ დაადასტურა - რენატო სანჩესი პსჟ-ში ითამაშებს
დიდი ხნის განმავლობაში „მილანი“ რენატო სანჩესისთვის იბრძოდა და თავდაპირველად „ლილის“ ფეხბურთელი „როსონერიში“ გადაბარგებაზე თანახმა იყო, მაგრამ საბოლოოდ აზრი შეიცვალა და გეზი პარიზისკენ აიღო.
ნასერ ალ-ხელაიფიმ პორტუგალიელ ნახევარმცველს გაცილებით მსუყე პირობები შესთავაზა, რაზეც რენატომ უარი ვერ თქვა. გასარკვევი მხოლოდ ის იყო, თუ როდის შედგებოდა ტრანსფერი.
დღეს კი, გავლენიანმა სატრანსფერო ექსპერტმა და ცნობილმა სპორტულმა ჟურნალისტმა ფაბრიციო რომანომ, „ტვიტერის“ საკუთარ გვერდზე დაწერა, რომ მხარეებს შორის მოლაპარაკება წარმატებით დასრულდა.
Renato Sanches to PSG, here we go! Full agreement reached for €15m fee after deal at final stages yesterday night. Medical tests scheduled for Renato in Paris ???????????? #PSG
— Fabrizio Romano (@FabrizioRomano) August 3, 2022
Personal terms agreed long time ago - so Luís Campos signs the player he wanted since day 1. pic.twitter.com/EgQbsV8zap
24 წლის ფეხბურთელი 15 მილიონი ევროს სანაცვლოდ „პარი სენ ჟერმენში“ გადადის. სამედიცინო შემოწმება პარიზში მოხდება. როგორც რომანო წერს, ლუის კამპოსი სპორტულ დირექტორად დანიშვნის დღიდან, სანჩესის გადაბირებას ცდილობს და გამოუვიდა კიდეც. ფეხბურთელთან პირადი დეტალების შეთანხმება დიდი ხნის წინ მოხდა.
შეგახსენებთ, რომ 24 წლის პორტუგალიელი „ლილის“ 2019 წელს შეუერთდა. 2019 წლიდან დღემდე, სანჩესმა ფრანგული კლუბის მაისური ყველა ტურნირზე ერთად 90-ჯერ მოირგო, 6 გოლი გაიტანა და 10 საგოლე გადაცემა შეასრულა.
