„მეფე ითამაშებს“ - რონალდუ მოედანს უბრუნდება
„მანჩესტერ იუნაიტედის“ თავდამსხმელი, კრიშტიანუ რონალდუ ამახანაგურ მატჩში მონაწილეობას მიიღებს. 31 ივლისს, „წითელი ეშმაკები“ „ოლდ ტრაფორდზე“ „რაიო ვალეკანოს“ დაუპირისპირდებიან და პორტუგალიელმა დაადასტურა, რომ ამ შეხვედრაში მას მოედანზე ვიხილავთ.
„კვირას მეფე ითამაშებს“, - უპასუხა რონალდუმ ერთ-ერთი სოციალური ქსელის მომხმარებლის პოსტს.
Cristiano Ronaldo announces he’s back with Manchester United team as he’s gonna play friendly game vs Rayo Vallecano: “Sunday, the king plays”, he just commented. ???????????? #MUFC
— Fabrizio Romano (@FabrizioRomano) July 29, 2022
Here’s his message on Instagram: pic.twitter.com/HrPzk0Rzur
შეგახსენებთ, რომ ბოლო პერიოდში კრიშტიანუს შესახებ აქტიურად იწერება და ბრიტანულ პრესაში ვრცელდება ინფორმაცია, რომ პორტუგალიელმა „მანჩესტერს“ კონტრაქტის გაწყვეტა მოსთხოვა. Sun-ის დღევანდელი ინფორმაციით, რონალდუმ „იუნაიტედს“ შეატყობინა, რომ მათი „მტერი კლუბისგან“ შეთავაზება აქვს და გაშვება მოითხოვა.
Telegraph-ის ცნობით, ჟორჟე მენდეში ამ საკითხზე მუშაობას არ წყვეტს და სხვადასხვა ვარიანტზე მუშაობს. ამ ინფორმაციას რონალდუ თავად გამოეხმაურა და პრესა გააკრიტიკა. მისი თქმით, მედიის წარმომადგენლებმა იციან, ტყუილი რომ არ დაწერონ, ხალხის ყურადღებას ვერ მიიპყრობენ.
