ნეიმარი პსჟ-ში თავს კომფორტულად აღარ გრძნობს - კლუბი მზადაა ის გაუშვას
როგორც ჩანს, ნეიმარისა და პსჟ-ს ისტორია დასასრულს უახლოვდება.
ბოლო დღეებში აქტიურად იწერებოდა, რომ პარიზელებს ბრაზილიელის გასხვისება სურდათ, რომ სახელფასო ბიუჯეტი გამოეთავისუფლებინათ და ზოგადად გუნდში ახალი წესრიგი მყარდება, რომელშიც ნეიმარი აღარ მოიაზრება.
დღეს ცნობილმა ფრანგმა ჟურნალისტმა ადრიენ გრენიემ დაწერა, რომ თავად „ნეიც“ კლუბში თავს კომფორტულად აღარ გრძნობს და წასვლაზე ფიქრობს.
???? Neymar ???????? ne se sent plus à l’aise au PSG et veut quitter le club ! Paris ne souhaite pas le conserver et lui a prévenu, via ses proches, de sa volonté de partir cet été.
— Hadrien Grenier (@hadrien_grenier) June 29, 2022
Malgré cette volonté commune, les deux parties ne savent pas si elles y parviendront.
(Le Parisien)
თანამშრომლობის შეწყვეტის ორმხრივი სურვილის მიუხედავად, მხარეები არ არიან დარწმუნებულები, რომ ტრანსფერის განხორციელებას უახლოეს მომავალში შეძლებენ.
მთავარ პრობლემას ბრაზილიელის ანაზღაურება წარმოადგენს, რომლის გადახდის სურვილს დიდად არცერთი გრანდი არ გამოთქვამს. ნეიმარი პირველ რიგში „ბარსელონას“ დაუკავშირეს. კატალონიელთა რიგებში დასაბრუნებლად ფეხბურთელს ანაზღაურების საგრძნობლად დაკლება მოუწევს. ის ამჟამად წლიურად 30 მილიონ ევროს იღებს.
ასევე არის „ჩელსის“ ვარიანტიც, თუმცა ბრაზილიელი ინგლისში გადასვლას არ განიხილავს.
პსჟ ნეიმარის 50 მილიონ ევროდ გასაყიდად მზადაა, თუმცა ფასის დაკლებაზე მოლაპარაკებებისთვისაც მზად არიან.
გასულ სეზონში ნეიმარმა ლიგა 1-ში 22 მატჩი ჩაატარა, 13 გოლი გაიტანა, 6 საგოლე გადაცემა გააკეთა და 10 ყვითელი ბარათი მიიღო.