სიტი გაძლიერდა - ქალაქელები ლიდსის ნახევარმცველს იმატებენ
„ლიდსის“ ნახევარმცველი, კელვინ ფილიფსი „მანჩესტერ სიტიში“ გადასვლასთან ერთ ნაბიჯშია. გავლენიანი Sky Sports-ის ინფორმაციით, „ქალაქელებმა“ „თეთრებთან“ შეთანხმებას მიაღწიეს და ამჟამად მოლაპარაკებებს ინგლისის ნაკრების ფეხბურთელთან აწარმოებენ.
Sky Sports-ს თუ დავუჯერებთ, ფილიფსის ტრანსფერი „სიტის“ 45-50 მილიონი გირვანქა სტერლინგი დაუჯდება. The Athletic-ის ცნობით, კი „ქალაქელებს“ 42 მილიონი გირვანქა სტერლინგის გადახდა მოუწევთ, რასაც 3 მილიონის ოდენობის ბონუსები დაემატება. საინტერესოა, რომ „სიტი“ ფილიფსთან პირად კონტრაქტზე შეთანხმდა და ინგლისელმა ფეხბურთელმა პეპ გუარდიოლასთან მუშაობის პერპექტივის გამო, რამდენიმე კლუბს უარი უთხარი.
Kalvin Phillips has already reached an agreement with Manchester City on personal terms - as he turned down other clubs to work under Pep. Here we go. ???????????? #MCFC
— Fabrizio Romano (@FabrizioRomano) June 24, 2022
Man City will pay £42m, overall deal close to £50m with add-ons.
Leeds have accepted, as @David_Ornstein reported. pic.twitter.com/46a4NNq8P7
Athletic-ის მიხედვით, ფილიფსი პეპ გუარდიოლას ნომერ პირველი სამიზნე გახლდათ. ესპანელი სპეციალისტი მისი თამაშით მოხიბლულია და თვლის, რომ ინგლისელის ტრანსფერი „ქალაქელების“ ნახევარდაცვას გააძლიერებს. ბრიტანული პრესის ვარაუდით, კელვინის გადაბირების შემდეგ, „სიტი“ მარკ კუკურელიაზე გადაერთვება.
შეგახსენებთ, რომ ფილიფსი „ლიდსის“ ერთ-ერთი ლიდერი გახლდათ და გასულ სეზონში მონაწილეობა 20 შეხვედრაში მიიღო. მის ანგარიშზე ერთადერთი საგოლე გადაცემაა.
