"ახალ კონტრაქტს ხელს არ მოვაწერ" - ლევანდოვსკი ქომაგებს დაემშვიდობა

ბუნდესლიგის მორიგ ტურში მიუნხენის „ბაიერნი“ „ვოლფსბურგს“ ესტუმრა. შეხვედრა ფრედ 2:2 დასრულდა. „რეკორდმაისტერის“ მხრიდან მეორე გოლი რობერტ ლევანდოვსკიმ გაიტანა და დიდი ალბათობით მიუნხენური გრანდის რიგებში პოლონელმა თავდამსხმელმა ბოლოჯერ გაისროლა.

არ წყდება საუბრები მისი გუნდიდან წასვლის შესახებ. თავად ფეხბურთელმა, მატჩის შემდეგ, კომენტარი გააკეთა და ყველაფერი ნათელი მოფინა.

ლევანდოვსკი:

„ახალ კონტრაქტს ხელს არ მოვაწერ. ორივე მხარემ საუკეთესო გამოსავალი უნდა ვიპოვოთ. კლუბს ვუთხარი, რომ თუ ჩემზე რაიმე სახის შემოთავაზება იქნება, უნდა დავფიქრდეთ. ძალიან შესაძლებელია, რომ „ბაიერნში“ ეს ჩემი უკანასკნელი თამაში იყო. 100%-ით ზუსტად ამას ვერ ვიტყვი, მაგრამ ალბათობა დიდია. ორივე მხარემ საუკეთესო გამოსავალი უნდა ვიპოვოთ.“

Lewandowski tells Sky: “I won’t sign a new contract. We have to find the best solution for both sides. I told the club that if an offer comes in, then we have to think about it - also for the club”. ???????????? #Lewandowski pic.twitter.com/tG3mSxLzV3

— Fabrizio Romano (@FabrizioRomano) May 14, 2022

Robert Lewandowski to @viaplaysportpl: “It’s very possible that this was my last game for Bayern. I cannot say that at 100%, but it may have been [my last game]. We want to find the best solution for me and for the club”. ???? #FCBayern @iMiaSanMia pic.twitter.com/ofjrdL7fxw

— Fabrizio Romano (@FabrizioRomano) May 14, 2022

ცნობისთვის, პოლონელი თავდამსხმელის მდგომარეობაზე, გუნდის სპორტულმა დირექტორმა ჰასან სალიჰამიჯიჩმაც ისაუბრა:

„„ლევანდოვსკის პირადად ვესაუბრე. მან მითხრა, რომ ჩვენს შეთავაზებულ ახალ კონტრაქტს ხელს არ მოაწერს. კონტრაქტის გახანგრძლივება არ სურს. რობერტი „ბაიერნს“ დატოვებს.“

ლევანდოვსკი „ბაიერნში“

ვეტერანი შემტევი გერმანულ კლუბს 2014 წელს შეუერთდა. 2014 წლიდან დღემდე, ლევანდოვსკიმ „ბაიერნის“ მაისური ყველა ტურნირზე ერთად 374-ჯერ მოირგო, 344 გოლი გაიტანა და 72 საგოლე გადაცემა შეასრულა.