კლოპი: ბაიერნში წასვლა შემეძლო, ეს არ მოხდება...

იურგენ კლოპმა განმარტა, რატომ არ სურდა „ლივერპულის“ დატოვება და კარიერის „ბაიერნში“ გაგრძელება.

„რომელ კლუბში უნდა წავიდე, რომ სხვა სიტუაციაში ვიყო? მხოლოდ პეპ გუარდიოლას შემიძლია ვკითხო, დაიღალა თუ არა იგი ყველა ამ გამარჯვებით მანჩესტერ სიტიში. როგორ მოგწონთ ეს იდეა? დიახ, ეს არ მოხდება, მე არ მინდა ეს.

რამდენჯერმე შემეძლო ბაიერნში წასვლა. დარწმუნებით შემიძლია ვთქვა, რომ იქ უფრო მეტ თასს მოვიგებდი ჩემს კარიერაში, ყოველ შემთხვევაში, ამის მეტი შანსი მექნებოდა.

მაგრამ ეს არ გავაკეთე. ლივერპულთან მოქმედი კონტრაქტი მაქვს. მსოფლიო - არ არის მხოლოდ გამარჯვებულებისთვის. იმედი მაქვს, რომ სამყარო სავსეა ხალხით, ვისაც გამარჯვება სურს. ვცდილობ და ხანდახან ვიმარჯვებ სხვა ადამიანებთან ერთად... და ამით კმაყოფილი ვარ“,

- განაცხადა კლოპმა.

აღსანიშნავია, რომ „ბაიერნი“ ბოლო 6 წლის განმავლობაში, ყოველი მწვრთნელის ცვლილების წინ, ყოველ ჯერზე პირველ რიგში წინადადებით კლოპთან მიდიოდა, თუმცა „კლოპოს“ არაერთხელ აღუნიშნავს, რომ „რეკორდმაისტერი“, ასევე „რეალი“ და „ბარსელონა“ (ბრაზილიის ნაკრებიც) მისთვის საინტერესო სამუშაო ადგილს არ წარმოადგენს. გერმანელ სპეციალისტს არ მოსწონს, რომ გუნდში მისვლისას ზედმეტი კომფორტი ხვდება.