სიტყვიერი შეთანხმება მიღწეულია - ვოლკანოვსკისა და ჰოლოუეის ტრილოგია ივლისში
ალექს ვოლკანოვსკის მომდევნო მეტოქე მაქს ჰოლოუეი იქნება. MmaJunkie-ისა და ცნობილი ჟურნალისტის, არიელ ჰელვანის ინფორმაციით, მხარეებმა საერთო ენა გამონახეს და მათი ბრძოლა ივლისში გაიმართება.
MmaJunkie-ის ცნობით, ვოლკანოვსკიმ და ჰოლოუეიმ სიტყვიერ შეთანხმებას მიაღწიეს და კონტრაქტს ხელს უახლოეს პერიოდში მოაწერენ. მათი ბრძოლა ლას ვეგასში, T-Mobile არენაზე გაიმართება და 2 ივლისს ჩანიშნული UFC 276-ის მთავარი მოვლენა იქნება.
Alexander Volkanovski vs. Max Holloway 3 is targeted for #UFC276 on July 2, sources tell @Farah_Hannoun and myself for @MMAJunkie.
— Mike Bohn (@MikeBohn) May 5, 2022
First time in UFC history we've had a trilogy where all three bouts were for a title and one side won the first two. https://t.co/r9vokkoTzg
შეგახსენებთ, რომ ვოლკანოვსკის ჰოლოუეისთან UFC 272-ზე უნდა ეჩხუბა, მაგრამ მაქსმა ოქტაგონზე გასვლაზე უარი ტრავმის გამო თქვა. მის ნაცვლად „ვოლკი“ „კორეელ ზომბის“ დაუპირისპირდა და მეტოქე მეოთხე რაუნდში მოპოვებული ტექნიკური ნოკაუტით დაამარცხა.
ჰოლოუეი და ვოლკანოვსკი ერთმანეთს 2-ჯერ შეხვდნენ და ორივეჯერ ავსტრალიელმა იმარჯვა, თუმცა ქომაგთა აზრით, მსაჯებმა შეცდომა დაუშვეს და მაქსს მინიმუმ ერთი ჩხუბი მაინც უნდა მოეგო. გეტყვით იმასაც, რომ ვოლკანოვსკისთან წაგების შემდეგ, ჰოლოუეიმ ჯერ კელვინ კატარს, ხოლო შემდეგ იაირ როდრიგესს მოუგო.