''2021 წელი ჩემთვის საუკეთესო იყო'' - შავდათუაშვილი დიდი აღიარების შემდეგ

ძიუდოს საერთაშორისო ფედერაციის გამოკითხვით 2021 წლის მსოფლიოს საუკეთესო ძიუდოისტად ლაშა შავდათუაშვილი დასახელდა. შავდათუაშვილის კონკურენტები მატიას კასე, ლუკას კრპალეკი, ჰიფუმი აბე და ჟორჟე ფონსეკა იყვნენ. 

ძიუდოს საერთაშორისო ფედერაციის დაჯილდოებაზე ლაშა შავდათუაშვილმა ისაუბრა.

''მადლობა ნომინაციაზე წარდგენისთვის. 2021 წელი ჩემთვის საუკეთესო იყო, გავხდი მსოფლიოს ჩემპიონი. უზომოდ ბედნიერი ვარ, რომ ვარ ევროპისა და მსოფლიოს ჩემპიონი და ასევე მაქვს ოლიმპიადის ოქროს მედალი. ასევე, ოლიმპიურ თამაშებზე სამივე სინჯის მედალი მაქვს. ძიუდომ ძალიან ბედნიერი მომენტები მაჩუქა. მადლობა მთელ მსოფლიოს, ძიუდოს გულშემატკივრებს.

''ბედნიერი ვარ, რომ წარმატებას მივაღწიე. ძალიან სასიხარულოა, რომ შედეგთან ერთად უამრავი გულშემატკივარ გყავს. ბედნიერი ვარ, რომ მხარი დამიჭირეს, ჩემთვის ეს ძალიან დიდი მოტივაციაა, რომ ვიბრძოლო დიდი გამარჯვებებისთვის. ისინი მაძლიერებენ, მიყვარხართ და ბევრს ვიშრომებ, რომ დიდი სიხარული მოგიტანოთ''.

მიმდინარე წელს შავდათუაშვილი 73 კგ. წონით კატეგორიაში მსოფლიოს ჩემპიონი გახდა, ტოკიოს ოლიმპიადაზე კი ვერცხლის მედალს დასჯერდა.

შეგახსენებთ, ძიუდოს საერთაშორისო ფედერაციის გამოკითხვის ნომინაციის, ''ამომავალი ვარსკვლავის'' გამარჯვებული ილია სულამანიძე გახდა