Aa Aa
15 ოქტომბერი 2021  |  18:42

„მოკითხვა ყველას, ვინც აუტსაიდერს მიწოდებდა" - ქირია კელთან გამარჯვების შემდეგ

ქართველი კიკბოქსიორი დავით ქირია ONE Championship-ის გრან პრიზე გამოვიდა და მეოთხედფინალში გერმანელ ენრიკო კელს დაუპირისპირდა. ქირიამ ბრწყინვალედ იასპარეზა და პირველივე რაუნდში იმარჯვა.

ბრძოლის შემდეგ, ქართველმა კიკბოქსიორმა მოკლე კომენტარი გააკეთა და განაცხადა: „თავს შესანიშნავად ვგრძნობ. მოკითხვა ყველას, ვინც აუტსაიდერს მიწოდებდა. დღევანდელი გამარჯვების გამო ძალიან ემოციური ვარ. დაგპირდით, რომ ერთ-ერთ საუკეთესო ბრძოლას განახებდით და ვფიქრობ, პირობა შევასრულე“.

მოგვიანებით, ქირიამ გულშემატკივრებს მიმართა და სოციალურ ქსელში გამოქვეყნებულ ვიდეოში მათ მადლობა გადაუხადა.

ქირიას წარმატებას ცნობილი გამოცემა, Asianmma.com გამოეხმაურა და ქართველი მებრძოლი შეაქო: „დავით ქირიამ გრან პრის მეოთხედფინალის პირველ რაუნდში ხმამაღალი განცხადება გააკეთა. გასაოცარია, მაგრამ ზოგიერთი ქომაგი თვლიდა, რომ Glory-ის საჩემპიონო ქამრის ყოფილი მფლობელი და Kunlun Max-ის ტურნირის გამარჯვებული ფავორიტი არ გახლდათ. კელთან ჩხუბამდე ქირია გიორგიო პეტროსიანთან დამარცხდა, თუმცა გერმანელისთვის ზედმეტად ძლიერი იყო და ამ გამოსვლის შემდეგ, არავინ იქნები ისეთი, ვინც მას სათანადოდ არ დააფასებს“, - წერს Asianmma.com

შეგახსენებთ, რომ ქირიამ კარიერაში მე-40 გამარჯვება მოიპოვა და გრან პრის ნახევარფინალის საგზური დაისაკუთრა.

მსგავსი სიახლეები

ცხელი ამბები

WELCOME BONUS

WELCOME BONUS

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
articleimage