გრიკ ფრიკის ბრწყინვალე მატჩი - მილუოკიმ პირველად მოიგო და ფინიქსთან ჩამორჩენა შეამცირა
„მილუოკი ბაქსმა“ სუპერფინალურ სერიაში ჩამორჩენა შეამცირა. ვისკონსინელებმა საკუთარ კედლებში პირველი მატჩი გამართეს და მეტოქე დამაჯერებლად დაამარცხეს. „ბაქსმა“ გადამწყვეტი უპირატესობა მეორე მეოთხედში მოიპოვა, რომელიც 18 ქულით მოიგო და სასურველი შედეგის დაფიქსირება არ გასჭირვებია 120-100.
„მილუოკის“ იანის ანტეტოკოუნმპომ ულიდერა, რომელსაც მორიგი ბრწყინვალე მატჩი ჰქონდა. „გრიკ ფრიკმა“ 41 ქულა, 13 მოხსნა, 6 შედეგიანი გადაცემა და 1 ჩაჭრა დააგროვა. ბერძენი სუპერვარსკვლავი შაკილ ონილის შემდეგ, პირველი კალათბურთელი გახდა, რომელმაც სუპერფინალური სერიის ზედიზედ 2 შეხვედრაში მინიმუმ 40 ქულა და 10 მოხსნა გაიფორმა.
???? Giannis TAKES OVER in Game 3! ????
— NBA (@NBA) July 12, 2021
41 PTS
13 REB
14-23 FGM
13-17 FTM@Giannis_An34 joins @SHAQ as the only players in #NBAFinals history with back-to-back 40+ point, 10+ rebound games, as the Bucks win Game 3! #ThatsGame
Game 4: Wed, 9 PM ET, ABC pic.twitter.com/lIazIIZbAo
„უბრალოდ ვცდილობ, კალათბურთით სიამოვნება მივიღო, კარგად ვითამაშო და აღმოვჩნდე პოზიციაში, რომელიც მომცემს საშუალებას წარმატებას მივაღწიო. ჩემი მიზანი სწორედ ესაა და თითოეული შეტევისას, იქნება ეს სამწამიანში შესვლა, ბლოკის დაყენება თუ სროლის განხორციელება, მაქსიმუმს ვაკეთებ, რათა აღმოვჩნდე პოზიციაში, რომელიც წარმატების მიღწევის საშუალებას მომცემს.“, - განაცხადა ანტეტოკოუნმპომ.
იანისს 21 ქულითა და 9 შედეგიანი გადაცემით ჯრუ ჰოლიდეი წაეხმარა. კრის მიდლტონს 18 ქულა ჰქონდა. პორტისმა და ბრუკ ლოპესმა კი 11-11 ქულა გაიფორმეს.
???? @Jrue_Holiday11 (21 PTS, 9 AST) and @Khris22m (18 PTS, 7 REB, 6 AST) help lead the @Bucks to victory in Game 3! #NBAFinals #ThatsGame
— NBA (@NBA) July 12, 2021
Game 4: Wednesday, 9pm/et, ABC pic.twitter.com/U21VrpePY7
„ფინიქსის“ რიგებში 19 ქულითა და 9 შედეგიანი გადაცემით კრის პოლი გამოირჩა. ჯეი კრაუდერსა და დეანდრე ეიტონს 18-18 ქულა ჰქონდათ. კემერონ ჯონსონმა 14 ქულა ჩააგდო, ხოლო დევინ ბუკერის ანგარიშზე 10 ქულაა.
???????? PHANTOM. CAM. ????????
— NBA (@NBA) July 12, 2021
Cam Johnson's rim-ratting slam from Game 3 of the #NBAFinals, from multiple angles via our slo-mo #PhantomCam. #ThatsGame pic.twitter.com/peDGlBcFeZ
შეგახსენებთ, რომ „ფინიქსი“ სერიაში 2-1-ს იგებს და მომდევნო შეხვედრას კვლავ სტუმრად გამართავს. მატჩს ხუთშაბათს, თბილისის დროით 05:00-ზე ვიხილავთ.