100 მილიონი კეინში - სიტიმ ტოტენჰემს ოფიციალურად მიმართა
ბოლო წლების განმავლობაში „ტოტენჰემს“ ჰარი კეინი ლიდერობს. ინგლისელი შემტევის გარეშე ლონდონური კლუბი წარმოუდგენელია. მიუხედავად ამისა, გასული სეზონის დასრულების შემდეგ აქტიურად მიმდინარეობს საუბრები იმის შესახებ, რომ კეინი „დეზებს“ დატოვებს.
გავრცელებული ინფორმაციით, ჰარის ინგლისის დატოვება არ სურს და რომელიმე სხვა პრემიერ ლიგის კლუბში უნდა გადასვლა. თავდაპირველად „ჩელსი“ აქტიურობდა, თუმცა არისტოკრატებს „მანჩესტერ სიტი“ უწევდა კონკურენციას.
ცნობილი სპორტული ჟურნალისტი ფაბრიციო რომანო, რომელიც ტრანსფერების საკითხში საკმაოდ კომპეტენტურია ახალ ინფორმაციას ავრცელებს. ვიგებთ, რომ „ქალაქელებმა“ „დეზებს“ კეინის სანაცვლოდ 100 მილიონი ევრო შესთავაზეს. ამასთან ერთად მანჩესტერული კლუბი თავის ერთ ან ორ ფეხბურთელს შეელევა ჰარის სანაცვლოდ.
Manchester City made an official proposal to Tottenham for Harry Kane. £100M guaranteed + availability to include players in the deal.#THFC have NO intention to accept. Harry wants to go, but Levy will try to keep him. ❌
— Fabrizio Romano (@FabrizioRomano) June 21, 2021
Harry now focused on the Euros, then it’ll be decided.
ჯერჯერობით თავად ფეხბურთელს თანხმობა არ განუცხადებია, მაგრამ რომანოს თქმით, მას „ტოტენჰემის“ დატოვება სურს, დანიელ ლევის კი მისი გაშვება არ უნდა. ყველაფერი ევროპის ჩემპიონატის შემდეგ გაირკვევა.
კეინი „ტოტენჰემში“
ინგლისელი თავდამსხმელი ლონდონური კლუბის პირველ გუნდში 2009 წლიდან ირიცხება, თუმცა დებიუტი 2011 წელს ჰქონდა. დღემდე კეინმა „ტოტენჰემის“ მაისური 336-ჯერ მოირგო, 221 გოლი გაიტანა და 47 საგოლე გადაცემა შეასრულა.