რაულის რეკორდი გაიმეორა და კრიშტიანუსი გააუმჯობესა - ბენზემა ისტორიას წერს
ლა ლიგის მორიგ ტურში მადრიდის „რეალი“ „კადისს“ ესტუმრა და 3:0 დაამარცხა. მატჩში გამორჩეული კარიმ ბენზემა იყო, რომელმაც დუბლი შეასრულა და საგოლე გადაცემა მიითვალა.
ეს მატჩი ფრანგი შემტევისთვის სხვამ მხრივაც იყო გამორჩეული. შეიძლება ითქვას, რომ კარიმმა ახალი ისტორია დაწერა.
ბენზემამ „კადისის“ კარში გატანილი გოლით საოცარი შედეგი დააფიქსირა. 33 წლის თავდამსხმელმა ლა ლიგაში 35 კლუბს გაუტანა გოლი. ეს იმას ნიშნავს, რომ მადრიდული კარიერის განმავლობაში კარიმმა აბსოლუტურად ყველა ლა ლიგის გუნდს გაუტანა. ამ შედეგით კი ის რაულ გონსალეს ბლანკოს გაუთანაბრდა.
???????? @Benzema makes history again!
— Real Madrid C.F. ???????????????? (@realmadriden) April 21, 2021
⚽️ He has scored against all 35 teams he's faced in @LaLigaEN!#RealFootball | #HalaMadrid pic.twitter.com/XwOK4LrnY3
კარიმის საგოლე გადაცემაც ისტორიული აღმოჩნდა. 21-ე საუკუნეში ფრანგ ფეხბურთელს ლა ლიგაში 88 ასისტი დაუგროვდა და ამით კრიშტიანუ რონალდუს შედეგი გააუმჯობესა. პორტუგალიელ სუპერვარსკვლავს „ბლანკოსის“ მაისურით ესპანეთის ჩემპიონატში 87 შედეგიანი გადაცემა აქვს შესრულებული.
????| Karim Benzema has made 88 assists in La Liga, becoming the Real Madrid player with the most assists in the competition in the 21st century (Cristiano Ronaldo, 87). ???????? @OptaJose pic.twitter.com/30cOsCbsLy
— Madrid Xtra. (@MadridXtra) April 21, 2021
ბენზემა „რეალში“
ფრანგი შემტევი „ბლანკოსს“ 2009 წლის ზაფხულში 35 მილიონი ევროს სანაცვლოდ „ლიონიდან“ შეუერთდა. ამ პერიოდის განმავლობაში ბენზემამ „სამეფო კლუბის“ მაისური 551-ჯერ მოირგო, ყველა ტურნირზე ერთად 276 გოლი გაიტანა და 142 საგოლე გადაცემა შეასრულა.
კარიმმა „რეალთან“ ერთად ყველა შესაძლო საკლუბო ტიტული მოიგო და ახლა გუნდის მესამე კაპიტანი გახლავთ.