მე-4 დიდი სლემი კარიერაში - ნაომი ოსაკამ AUS OPEN-ი მოიგო!
მელბურნში მიმდინარე წლის პირველ დიდი სლემის ტურნირ ავსტრალიის ღია პირველობაზე ქალთა თანრიგის ფინალში ერთმანეთს იაპონელი ნაომი ოსაკა და ამერიკელი ჯენიფერ ბრეიდი დაუპირისპირდნენ.
1 საათსა და 19 წუთში, 23 წლის ოსაკამ საკმაოდ დამაჯერებლად - 6:4, 6:3 მოიგო და კარიერაში დიდი სლემის ტურნირი მეოთხედ დაისაკუთრა.
აზიელმა ნახევარფინალურ მატჩში ლეგენდარულ სერენა უილიამსს ორ სეტში - 6:3; 6:4 აჯობა და დიდი სლემის ტურნირების ფინალში მეოთხედ გავიდა. მნიშვნელოვანია, რომ იაპონელმა ფინალებში 100%-იანი სვლა გააგრძელა. იგი მონიკა სელეშის შემდეგ პირველი ქალი ჩოგბურთელია, რომელმაც დიდი სლემის პირველ ოთხ ფინალში წარმატებას მიაღწია.
Holding it tight. Taking it all in ????????@naomiosaka | #AO2021 pic.twitter.com/KIriU7tayW
— wta (@WTA) February 20, 2021
ზოგადად, ღია ერაში მხოლოდ 3 მოთამაშეა, რომელმაც დიდი სლემის მისთვის პირველი 4 ფინალი ტიტულით დაასრულა - მონიკა სელეში, როჯერ ფედერერი და ნაომი ოსაკა.
რაც შეეხება ბრეიდის, 25 წლის ამერიკელი დიდი სლემის ტურნირების ფინალში კარიერაში პირველად ასპარეზობდა. აქამდე მისი მთავარი მიღწევა გასული წლის ამერიკის ღია პირველობაზე ნათამაშები 1/2 ფინალი გახლდათ.
First singles Grand Slam champion of 2021 ????#AO2021 pic.twitter.com/TFyvgGUj0i
— wta (@WTA) February 20, 2021
ნაომი ოსაკამ კონკრეტულად ავსტრალიის ღია პირველობა მეორედ მოიგო - 2019 წლის ფინალში პეტრა კვიტოვას აჯობა. მას ასევე 2-ჯერ ამერიკის ღია პირველობა აქვს მოგებული.
მიღწეული წარმატებით, ოსაკა WTA-ის რეიტინგში ორშაბათიდან 1 საფეხურით დაწინაურდება და მსოფლიოს მე-2 ჩოგანი იქნება. ბრეიდი კი ერთბაშად 11 პოზიციას მოიგებს და WTA-ის კლასიფიკაციის მე-13 ადგილზე დამკვიდრდება.