ჩისკო: "გამოცდილებას მნიშვნელობა არ აქვს, ცხოველივით ვიბრძოლებ"

ცნობილია, რომ თბილისის "დინამოს" ყოფილი მწვრთნელი ჩისკო მუნიოსი ახლა ცნობილ ინგლისურ კლუბს "უოტფორდს" წვრთნის. ესპანელი სპეციალისტის დანიშნვნას კლუბის გულშემატკივრები დადებითად არ შეხვდნენ და ჩისკო გააკრიტიკეს.

ამასთან დაკავშირებით "უოტფორდის" ახალმა მწვრთნელმა გუნდის ოფიციალურ ვებ-საიტთან ისაუბრა: "მე მინდა ცხოველივით ვიბრძოლო და გუნდს მაქსიმუმი მივაღწევინო. კლუბის მადლიერი ვარ. მადლობას ვუხდი მათ ჩემი ნდობისთვის და შექმნილი სიტუაციისთვის. 100 პროცენტით დავიხარჯები. ზუსტად ვიცი რა გვჭირდება და რა სიტუაციაა გუნდში.

საჭიროა, რომ ბევრი ვიშრომოთ. ჩვენ შესანიშნავი ფეხბურთელები გვყავს, რომლებსაც უნდა ვენდოთ და მაქსიმალურად გვერდში დავუდგეთ. მე ვიცი როგორია იყო გულშემატკივარი, ფეხბურთელი და შემდეგ მწვრთნელი. ყველა სიტუაციას კარგად ვიცნობ და ყველაფრისთვის მზად ვარ.

გამოცდილებას მნიშვნელობა არ აქვს. ჩემი გამოცდილებაა იყო გამარჯვებული! მთელი ცხოვრება გამარჯვებული ვიყავი და რაც შემეძლო ყველაფერი მოვიგე. არ აქვს მნიშვნელობა რას ამბობს ხალხი ჩემი გამოცდილების შესახებ. ზოგჯერ გამოცდილება გამარჯვებას ნიშნავს. არიან მწვრთნელები, რომლებსაც ხანგრძლივი კარიერა ჰქონდათ, მაგრამ ვერაფერი მოიგეს.

როდესაც ფეხბურთს ვთამაშობდი, ჩემი როლი მწვრთნელისას ჰგავდა. ფეხბურთელობის დროს ყველაფერს ვიმახსოვრებდი და რვეულში ვიწერდი. ყოველთვის მსურდა, რომ მწვრთნელი ვყოფილიყავი და ვფიქრობ ამისთვის საკმარისი გამოცდილება დავაგროვე." - განაცხადა ჩისკომ

“It doesn't matter about experience. My experience is being a winner. I have been a winner all my life and won everything in my playing career. This is my character. Sometimes experience is about winning. Some have experience for 10 years and won nothing.”

???? Xisco Muñoz ????

— Watford Football Club (@WatfordFC) December 22, 2020