Aa Aa
25 ოქტომბერი 2020  |  18:05

შერმადინს ვერ აჩერებენ - MVP და ტენერიფეს ზედიზედ მე-6 გამარჯვება

ესპანეთის ლიგა ენდესაში მორიგი ტურის შეხვედრები გაიმართა. გიორგი შერმადინის „იბეროსტარ ტენერიფემ“ „უნიკახას“ სტუმრად 86:79 სძლია და ამაში ლომის წილი ქართველ ცენტრს მიუძღვის.

შერმადინმა თავისი ყოფილი გუნდის წინააღმდეგ 27:23 წუთში 22 ქულა, 7 მოხსნა, 3 გადაცემა და 1 დაფარება მიითვალა. ქართველმა ცენტრმა 8-დან ყველა ორქულიანი ჩააგდო, 7-დან კი 6 საჯარიმო გამოიყენა. მთელ შეხვედრაში მან მხოლოდ 1 სროლა გააცუდა, რაც შესანიშნავი მაჩვენებელია.

შერმადინის მარგი ქმედების კოეფიციენტმა 31 შეადგინა და ის შეხვედრის MVP გახდა, რაც მისთვის ჩვეულებრივ ამბად იქცა.

„ტენერიფემ“ ესპანეთის ჩემპიონატში უკვე ზედიზედ მე-6 გამარჯვება იზეიმა და სატურნირო ცხრილს ერთპიროვნულად ლიდერობს.

შერმადინი და ტენერიფე მომდევნო ტურის შეხვედრას 30 ოქტომბერს საკუთარ კედლებში „გრან კანარიას“ წინააღმდეგ გამართავს, რომლის ღირსებას საქართველოს ნაკრების წევრი ბექა ბურჯანაძე იცავს.

გაზიარება:

მსგავსი სიახლეები

ეს გვერდი უკეთ ჩანს მობილურ აპლიკაციაში