გვილია პოლონეთის ჩემპიონატის 35-ე ტურის სიმბოლურში მოხვდა
პოლონეთის ექსტრაკლასას სეზონის დასრულებამდე 2 ტურით ადრე „ლეგიამ“ „კრაკოვია“ 2:0 დაამარცხა. მეორე გოლი ვაკო გვილიას ანგარიშზეა. საქართველოს ნაკრების 26 წლის ფეხბურთელი ვარშავულ კლუბთან ერთად პოლონეთის 2019-20 წლების სეზონის გამარჯვებული გახდა.
35-ე ტურის დასრულების შემდეგ, ექსტრაკლასას ოფიციალურმა გვერდმა გვილია სიმბოლურ გუნდში შეიყვანა.
Zawodnicy z czterech klubów wyróżnieni po 35. kolejce, gratulacje! ???? pic.twitter.com/0ZguYRFESD
— PKO BP Ekstraklasa (@_Ekstraklasa_) July 13, 2020
გვილიამ ხსენებული მატჩი სასტარტოში ითამაშა, 75-ე წუთზე კი საბოლოო ანგარიში დააფიქსირა. 94-ე წუთზე მწვრთნელმა იგი შეცვალა.
მიმდინარე სეზონში ვაკო გვილიამ ყველა ტურნირის ჩათვლით 47 მატჩში მიიღო მონაწილეობა და 11 გოლი გაიტანა. გარდა ამისა, მის ანგარიშზე 9 საგოლე გადაცემაა.
ვარშაველებმა 35 ტურის შემდეგ 68 ქულა დააგროვეს და ჩემპიონობა ისტორიაში მეცამეტედ იზეიმეს. გვილია კი მიმდინარე სეზონში ტურის სიმბოლურში მეოთხედ მოხვდა.
